News of Saturday, 13th January 2018

જૂનાગઢમાં વેવાણને માર મારી રૂ. પ૦ હજારનાં સોનાનાં ચેનની લૂંટ

પૂછયા વગર પુત્રવધુ તેની માતા પાસે જતાં ધમાલ

જૂનાગઢ તા. ૧૩: જૂનાગઢમાં વેવાણને માર મારી દિકરીનાં શ્વસુરપક્ષે રૂ. પ૦ હજારનાં સોનાના ચેનની લૂંટ કર્યાની પોલીસ ફરિયાદ થતાં ચકચાર મચી ગઇ છે.

આ બનાવની વિગતો એવી છે કે, જૂનાગઢમાં ટીંબાવાડીનાં મધુરમ વિસ્તારમાં આવેલ શ્રીનગર સોસાયટીમાં દલિત કંચનબેન માધવજી બગડા (ઉ.વ. પપ) રહે છે. તેઓ બિમાર હોય તેની બાજુમાં સાસરે રહેલ પુત્રી સંધ્યા ગઇકાલે તેની માતાની ખબર કાઢવા આવેલ.

આથી સંધ્યા પૂછયા વગર કેમ આવી તેનું મનદુઃખ રાખી જમાઇ નિલેશ ચાવડા, વેવાઇ હિરાભાઇ નારણ ચાવડા, વેવાણ રમાબેન અને કૈલાસબેન હીરાભાઇ કંચનબેનનાં ઘરે ધસી આવ્યા હતાં.

દિકરીનાં શ્વસુર પક્ષનો આ ચાર સભ્યોએ કંચનબેનને આડેધડ ઢીકાપાટુનો માર મારીને અધમુઆ કરી નાંખ્યા હતા. અને તેણીએ ગળામાં પહેરેલ રૂ. પ૦ હજારની કિંમતનાં સોનાનાં ચેનની લૂંટ ચલાવીને ચારેય નાસી ગયા હતાં.

આ અંગે મહિલાએ ફયિરાદ કરતા એ ડીવીઝન પોલીસે તપાસ હાથ ધરી છે. (૭.ર૮)

(12:08 pm IST)
  • કર્ણાટકના ઉદ્યોગમંત્રીએ બેંગલુરુને દેશની બીજી રાજધાની બનાવવાની માગણી કરી access_time 11:57 am IST

  • કર્ણાટકના મુખ્યમંત્રી સિદ્વારમૈયા અને રાજ્યના અન્ય કોંગ્રેસી નેતાઓએ દિલ્હી ખાતે પાર્ટી અધ્યક્ષ રાહુલ ગાંધી સાથે મુલાકાત કરી હતી અને જણાવ્યું હતું કે કર્ણાટકમાં કોઇ સત્તા વિરોધી લહેર નથી અને તેમની પાર્ટી આગામી વિધાનસભાની ચૂંટણીમાં પૂર્ણ બહુમતિથી જીત મેળવશે : સિદ્વારમૈયાએ ભાજપને આતંકવાદી કહેલા પોતાના નિવેદન પર માફી માગવાનો આ મુલાકાત દરમ્યાન ઇનકાર કર્યો હતો. access_time 8:54 pm IST

  • દિલ્હીના ગ્રેટર નોએડાના સૂરજપુર વિસ્તારની એક સોસાયટીમાં રહેતા ઇન્ટરનેશનલ મુક્કાબાજ જિતેન્દ્ર માનનો મૃતદેહ મળી આવતા સનસનાટી મચી જવા પામી છે. જિતેન્દ્રના શરીર પર ગોળીના નિશાન મળી આવતાં હત્યાની આશંકા સેવાય રહી છે. જિતેન્દ્ર બોક્સિંગમાં નેશનલ ચેમ્પિયન પણ રહી ચૂક્યો છે. access_time 3:10 pm IST