News of Saturday, 13th January 2018

મોટી પાનેલી સામાજીક અને શૈક્ષણિક વિકાસ ટ્રસ્ટના અનુક્રમે

મોટી પાનેલી ગામના તેજસ્વી છાત્રોના તા.૨૦ના સન્માન સમારોહ

સ્પીડ વેલ પાર્ટી પ્લોટ, રાજકોટ ખાતે આયોજનઃ સાંસ્કૃતિક કાર્યક્રમ, નૃત્ય, સ્વચ્છતા અભિયાન તથા વૃક્ષારોપણના કાર્યક્રમો

રાજકોટ,તા.૧૩ : મોટી પાનેલી સામાજિક અને શૈક્ષણિક વિકાસ ટ્રસ્ટ દ્વારા રાજકોટમાં, મોટી પાનેલીનાં વસતા મૂળ મોટી પાનેલીના સર્વ જ્ઞાતિના તેજસ્વી છાત્રો માટે સરસ્વતી સન્માન સમારોહ તથા સાંસ્કૃતિક કાર્યક્રમ, નૃત્ય, સ્વચ્છતા અભિયાન, વૃક્ષારોપણ વિ.મોટી પાનેલીના રહીશો માટે સ્વરૂચિ ભોજન સમારોહ કમ સ્નેહમીલન તા.૨૦ને શનિવાર સાંજના ૪ કલાકે, 'સ્પીડ વેલ પાર્ટી પ્લોટ', નાના મવા ગામ પાસે, અંબિકા ટાઉન શીપ પાસે, રાજકોટ ખાતે યોજાનાર છે.આ સમારોહમાં મુખ્ય મહેમાન તરીકે રાજકોટ પોલીસ કમિશ્નર અનુપમસિંહ ગેહલોત, શિક્ષણવીદ ગીજુભાઈ ભરાડ, મ્યુ.કમિશ્નર બંચ્છાનિધી પાની, અંતરીપ સુદ (ડી.એસ.પી.રાજકોટ), દર્શિતાબેન શાહ (ડેપ્યુટી મેયર), ગોવિંદભાઈ પટેલ ધારાસભ્યશ્રી તથા મહેન્દ્રભાઈ પાડલીયા (કુલપતિ ગોવિંદગુરૂ યુનિવર્સિટી, ગોધરા), કિરણભાઈ પટેલ (ટ્રસ્ટી એસ.એન.કે.સ્કૂલ), ચંદુભાઈ પી.વિરાણી (બાલાજી વેફર્સ), સનતભાઈ માખેચા (ચાર્ટર્ડ એકાઉન્ટન્ટ) તથા રાજકોટના અન્ય મહાનુભાવો ઉપસ્થિત રહેશે.(૩૦.૩)

(12:07 pm IST)
  • કર્ણાટકના મુખ્યમંત્રી સિદ્વારમૈયા અને રાજ્યના અન્ય કોંગ્રેસી નેતાઓએ દિલ્હી ખાતે પાર્ટી અધ્યક્ષ રાહુલ ગાંધી સાથે મુલાકાત કરી હતી અને જણાવ્યું હતું કે કર્ણાટકમાં કોઇ સત્તા વિરોધી લહેર નથી અને તેમની પાર્ટી આગામી વિધાનસભાની ચૂંટણીમાં પૂર્ણ બહુમતિથી જીત મેળવશે : સિદ્વારમૈયાએ ભાજપને આતંકવાદી કહેલા પોતાના નિવેદન પર માફી માગવાનો આ મુલાકાત દરમ્યાન ઇનકાર કર્યો હતો. access_time 8:54 pm IST

  • અમરેલીના ચક્કરગઢ રોડ ઉપર આંગડિયા પેઢીનો કર્મચારી લુંટાયો : કર્મચારી પાસેથી છરીની અણીએ લૂંટ :ગુજરાત આંગડિયા પેઢીના કર્મચારીને ચાર અજાણ્યા શખ્સો દ્વારા છરીની અણીએ લૂંટી માર મારીને ફરાર: લૂંટમાં ઘાયલ કર્મચારીને સિવિલ હોસ્પિટલમાં સારવાર માટે ખસેડાયો access_time 9:08 am IST

  • આઇડિયા સેલ્યુલરએ જણાવ્યું છે કે નેશનલ કંપની લો ટ્રિબ્યુનલ (એનસીએલટી) દ્વારા વોડાફોન ઇન્ડિયા - આઇડિયા સેલ્યુલરના પ્રસ્તાવિત મર્જરને મંજૂરી આપી દીધી છે. આ મર્જરને પહેલાથીજ બજાર નિયમનકાર સેબી અને ભારતીય સ્પર્ધાત્મકતા પંચ દ્વારા માન્યતા પ્રાપ્ત થઈ ગઈ છે. નોંધપાત્ર રીતે આ મર્જર થયેલ નવી કંપની 35 ટકા બજારહિસ્સા સાથે દેશની સૌથી મોટી ટેલિકોમ કંપની બનશે. access_time 8:41 pm IST