News of Saturday, 13th January 2018

પોરબંદર જિલ્લામાં શાળા ફી રેગ્યુલેશન એકટનો અમલ કરવા શિક્ષણાધિકારીની તાકીદ

પોરબંદર તા.૧૩ : જિલ્લાની અંદર જિલ્લા શિક્ષણાધિકારી પી.એન.મોદી અને જિલ્લા પ્રાથમિક શિક્ષણાધિકારી ડી.એન.ત્રિવેદીના માર્ગદર્શનની નીચે સ્વનિર્ભર (ખાનગી) શાળાની ફી નિર્ધારણને લગતી મીટીંગનું આયોજન કરવામાં આવ્યુ હતુ.

મીટીંગમાં શાળા ફી રેગ્યુલેશન એકટનો અમલ ચાલુ શૈક્ષણિક વર્ષથી જ કરવો. જો વધારે ફી લીધી હોય તો સમય મર્યાદાની અંદર પરત કરવી. નક્કી થઇને આવેલ ફીની માહિતી નોટીસ બોર્ડ પર લગાવવી, શાળાનું એક જ બેંક ખાતુ રાખવુ, ફી ચેકથી જ લેવી, શિક્ષકોના પગાર સીધા બેંક ખાતામાં જ જમા કરાવવા વગેરે જેવા મહત્વના મુદા પર ચર્ચા કરી હતી. જે શાળાઓ હાઇકોર્ટમાં ગઇ હોય અથવા નવી મંજુર થયેલ શાળાઓને તા.૧૭ સુધીમાં એફીડેવીટ અથવા પ્રપોજલ કરવાની ખાસ સુચના આપવામાં આવેલ છે. આમ કરવામાં તેઓ અસફળ રહેશે તો તેની વિરૂધ્ધમાં કાયદેસરની કાર્યવાહી કરવામાં આવશે તેવુ જિલ્લા શિક્ષણાધિકારી દ્વારા જણાવવામાં આવ્યુ હતુ.

(12:07 pm IST)
  • ભરશિયાળે ભરૂચમાં કમોસમી માવઠું : મોડી રાત્રે શહેરના અનેક વિસ્તારોમાં પડ્યા વરસાદી છાટા : વાતાવરણમાં પ્રસરી ઠંડક access_time 11:41 pm IST

  • ભારતીય ક્રિકેટ ટીમના પૂર્વ કેપ્ટન મોહમ્મદ અઝહરૂદ્દીનએ હૈદરાબાદ ક્રિકેટ એસોસિએશન (HCA) સામે મોટા આક્ષેપો કર્યા છે. અહેવાલો અનુસાર, અઝહરૂદ્દીને આક્ષેપ કર્યો છે કે હૈદરાબાદ ક્રિકેટ એસોસિએશનના કેટલાક સભ્યો તેમને HCA પ્રમુખની ચુંટણીમાં ભાગ લેવાથી રોકવા માંગે છે. access_time 1:19 pm IST

  • આઇડિયા સેલ્યુલરએ જણાવ્યું છે કે નેશનલ કંપની લો ટ્રિબ્યુનલ (એનસીએલટી) દ્વારા વોડાફોન ઇન્ડિયા - આઇડિયા સેલ્યુલરના પ્રસ્તાવિત મર્જરને મંજૂરી આપી દીધી છે. આ મર્જરને પહેલાથીજ બજાર નિયમનકાર સેબી અને ભારતીય સ્પર્ધાત્મકતા પંચ દ્વારા માન્યતા પ્રાપ્ત થઈ ગઈ છે. નોંધપાત્ર રીતે આ મર્જર થયેલ નવી કંપની 35 ટકા બજારહિસ્સા સાથે દેશની સૌથી મોટી ટેલિકોમ કંપની બનશે. access_time 8:41 pm IST