News of Saturday, 13th January 2018

શિવરાજગઢમાં રાત્રી રોકાણ કરતી બસો બંધઃ લોકો ત્રાહીમામ પોકારે છે

એસ.ટી.ને પલિતો ચાંપવાનો પડઘો

ગોંડલ તા.૧૩ : ગોંડલ તાલુકાના શિવરાજગઢ ગામે તથા તારીખ ૬ ના રોજ કોઇ વિધ્નસંતોષી હોય શિવરાજગઢ રાત્રી રોકાણ કરતી એસ.ટી.બસને કાંડી ચાંપી સળગાવવાનો પ્રયાસ કર્યો હતો આ ઘટના બાદ એસ.ટી. તંત્ર દ્વારા શિવરાજગઢ રૂટની એસ.ટી.બસ બંધ કરી દેવાતા શિવરાજગઢથી અપડાઉન કરતા ૯૦ જેટલા વિદ્યાર્થીઓને મુશ્કેલીનો સામનો કરવો પડી રહ્યો છે.

મુસાફરોને પણ મુશ્કેલીનો સામનો કરવો પડી રહ્યો હોય તાલુકા પંચાયતના પ્રમુખ ધીરૂભાઇ ખોડાભાઇ વોરા દ્વારા એસ.ટી.તંત્ર પાસે રૂટની બસો શરૂ કરવા માંગ કરવામાં આવી છે આ અંગે તાકીદે નિર્ણય લેવામાં આવે તો ગાંધી ચીધ્યા રાહ્યે આંદોલન છેડવાની ચીમકી ઉચ્ચારી છે.

(12:06 pm IST)
  • સુપ્રીમ કોર્ટના ચાર વરિષ્ઠ ન્યાયમૂર્તિઓ પૈકી એક, જેમણે ભારતના મુખ્ય ન્યાયાધીશ સામે બળવો કરવાના પગલા લીધા છે, તેવા શ્રી કુરિયન જોસેફે વિશ્વાસ વ્યક્ત કર્યો છે કે તેમણે જે મુદ્દાઓ ઉઠાવ્યા છે, તે મુદ્દા કોર્ટની અંદરજ ઉકેલવામાં આવશે. તેમણે વધુમાં જણાવ્યું હતું કે આ વિવાદને બહારથી ઉકેલવાની જરૂર નથી. જો કે, તેમણે આજે પુનરોચ્ચાર કર્યો હતો કે સુપ્રીમ કોર્ટમાં સુધારા કરવાની જરૂર તો છેજ. access_time 11:31 pm IST

  • આઇડિયા સેલ્યુલરએ જણાવ્યું છે કે નેશનલ કંપની લો ટ્રિબ્યુનલ (એનસીએલટી) દ્વારા વોડાફોન ઇન્ડિયા - આઇડિયા સેલ્યુલરના પ્રસ્તાવિત મર્જરને મંજૂરી આપી દીધી છે. આ મર્જરને પહેલાથીજ બજાર નિયમનકાર સેબી અને ભારતીય સ્પર્ધાત્મકતા પંચ દ્વારા માન્યતા પ્રાપ્ત થઈ ગઈ છે. નોંધપાત્ર રીતે આ મર્જર થયેલ નવી કંપની 35 ટકા બજારહિસ્સા સાથે દેશની સૌથી મોટી ટેલિકોમ કંપની બનશે. access_time 8:41 pm IST

  • હવાઈ પર મિસાઈલ હુમલાના ખોટા મેસેજ પર અફરાતફરી : અમેરિકા પાસે આવેલ હવાઈ દેશના લોકોએ આજે ​​તેમના ફોન પર કટોકટીની ચેતવણીઓ ના ખોટા આધિકારિક મેસેજ મળ્યા હતા કે એક બેલિસ્ટિક મિસાઈલ દેશ પર હુમલો કરવા માટે છોડાયું છે. પણ થોડીજ ક્ષણોમાં હવાઈના ​​કોંગ્રેસવુમન તુલસી ગેબાર્ડ ટ્વીટ કરીને જણાવ્યું હતું કે આ ખોટા મેસેજ, ભૂલથી અપાયા છે. લાખો લોકોમાં આ મેસેજથી અફરાતફરી મચી જવા પામી હતી. access_time 12:45 am IST