Gujarati News

Gujarati News

News of Saturday, 13th January 2018

ગોંડલ અક્ષર દેરી સાર્ધ શતાબ્દી મહોત્સવમાં વિરાટ સરપંચ સંમેલન

૧૮મીએ ૮૦૦ સરપંચ, જીલ્લા - તાલુકા પંચાયત, દૂધ મંડળીના સભ્યો સહિત ૧૧૦૦ને આમંત્રણ

ગોંડલ : સાર્ધ શતાબ્દી મહોત્સવની તૈયારી થઇ રહી છે ત્યારે અક્ષર મંદિરમાં રોશનીનો ઝગમગાટ જોવા મળી રહ્યો છે. (તસ્વીર : ભાવેશ ભોજાણી, ગોંડલ)

ગોંડલ તા. ૧૩ : અક્ષરદેરી સાર્ધશતાબ્દી મહોત્સવ ઉપક્રમે ગ્રામ્ય વિસ્તારનાં નાગરિકો સારી રીતે આ મહોત્સવનો લાભ લઈ શકે તેવાશુભ હેતુથી તારીખ ૧૮મી જાન્યુઆરીના રોજ વિરાટ સરપંચ સંમેલનનું આયોજન અક્ષર મંદિર, ગોંડલ ખાતે કરવામાં આવ્યું છે. જેમાં રાજકોટ જિલ્લાના ૮૦૦ સરપંચો ઙ્ગજિલ્લા પંચાયત તથા તાલુકા પંચાયતના સદસ્યો, મંડળી અને દૂધ મંડળીના પ્રમુખ સહિત કુલ અગિયારસો મહાનુભાવોને પધારશે.

૧૮મી જન્યુઆરી ૨૦૧૮ના રોજ સવારે ૯ થી ૧૨ વાગ્યા સુધી આ સભાનું આયોજન કરવામાં આવ્યું છે. જેમાં બીએપીએસના વિદ્વાન સંત પૂજય અપૂર્વમુનિ સ્વામી પોતાના પ્રવચનનો લાભ આપશે. તમામ ગ્રામ્ય વિસ્તારનાં તમામ લોકો મહોત્સવ અને પ્રદર્શનખંડોનો વ્યવસ્થિત લાભ લઈ શકે તેવું આયોજન નિહાળીને ડોડિયાળા ગામનાં ઉપસરપંચ નીલેશભાઈએ અહી યોજાનાર સરપંચોની સભામાં આવવાની ખાતરી આપતા ઉત્સાહભેર જણાવ્યું કે, ઙ્કઆવા સમાજ ઉતકર્ષ સંબંધી કાર્યનો લાભ આમારા ગામનાં તમામ સભ્યોને મળે એ જરૂરી છે તથા અહીનાં પ્રદર્શનખંડો ઉતકૃષ્ઠ જીવન જીવવાનો રાહ બતાવે છે. કેસવાળા ગામના સરપંચ કાંતિભાઈ એ પોતાના સ્વાનુભવમાં જણાવ્યું કે, 'આ બધું આયોજન અને કાર્ય પ.પૂ. પ્રમુખસ્વામી મહારાજ અને પ.પૂ. મહંત સ્વામી મહારાજનાં આશીર્વાદ વગર અશકય જેવું જણાય છે.' ધારાલા ગામના મહિલા સરપંચ નીમુબેન માયાની એ અભિપ્રાય આપ્યો કે, 'બીએપીસ સંસ્થા આ એક અદ્વિતીય કાર્ય કરી રહી છે.'

સરપંચ-સભા બાદ સ્વામિનારાયણ નગરની મુલાકાતનો કાર્યક્રમ થશે. આ ભવ્ય મહોત્સવમાં નાનાં ગામડાંનો સામાન્ય માનવ પણ સારી રીતે લાભ માણી શકે તેવું સૂક્ષ્મ આયોજન બીએપીએસ દ્વારા કરવામાં આવ્યું છે.કોઈ પણ ધર્મ, જ્ઞાતિ કે સંપ્રદાયના ભેદભાવ વગર સૌને અહીં એક જ જગ્યાએ, એકસરખો લાભ મળે અને દિવ્ય સાંનિધ્યનો અનુભવ થાયતેવું આયોજન કરવામાં આવ્યું છે. સામાજિક એકતા અને સમાનતાનો સંદેશ આપનારો આ મહોત્સવ એક અપૂર્વ મહોત્સવ બની રહેશે. જેમાં રાષ્ટ્રપતિથી લઈ સરપંચ સુધી બધા જ નેતાઓ,તેમજ વિદ્વાન પંડિતોથી લઈ સામાન્ય ગામના ખેડૂતો પણ એકસાથે સત્સંગનો લાભ લેશે.

(12:04 pm IST)
  • મુંબઇથી ઉપડેલું હેલિકોપ્ટર થયું ગુમ : ઓએનજીસીના કર્મચારીઓ સહિત 7 લોકો તેમાં હતા સવાર : હેલિકોપ્ટર સવારે 10.20 કલાકે ઉડ્યું હતું, જે ઓએનજીસીના ઉત્તરીય વિસ્તારમાં 10.58 કલાકે પહોંચવાનું હતું, પરંતુ 10.30 વાગ્યા પછી તેના કોઈ સિગ્નલ મળ્યા નથી. access_time 1:31 pm IST

  • ઇંગ્લેન્ડના નોટિંગઘમ રેલવે સ્ટેશનમાં લાગી ભીષણ આગ : સમગ્ર સ્ટેશન ખાલી કરાવાયું : આગ પર કાબુ મેળવવા અગ્નિશામક તંત્ર લાગ્યું કામે : આતંકી હુમલાની સેવાય રહી સંભાવના access_time 9:07 am IST

  • પૂર્વીય અમેરિકામાં રાતોરાત તાપમાન આવ્યું નીચે : લોકો ત્રાહિમામ : જબરદસ્ત ઠંડી ફરી એકવાર પડવાના એંધાણ : તળાવોમાં એકાએક માંડ્યો બરફ જામવા : લોકોને સાવચેત રેહવા તંત્રે કરી અપીલ access_time 12:44 am IST