Gujarati News

Gujarati News

News of Friday, 12th January 2018

ગોંડલના ઘુળશીયા ગામે યુવતીને ફોન કરવા પ્રશ્ને બે દલિત પરિવારો વચ્ચે સશસ્ત્ર બઘડાટી

કુહાડી વડે હુમલો કરી હત્યાનાં પ્રયાસની અને સામા પક્ષે પણ હુમલો કર્યાની પોલીસમાં ફરીયાદ

ગોંડલ તા.૧૨ : તાલુકાનાં ધુળશીયા ગામે યુવતીને ફોન કરવા પ્રશ્ને બે દલિત પરિવારો વચ્ચે સશસ્ત્ર બઘડાટી બોલી ગઇ હતી. આ બનાવમાં હત્યાના પ્રયાસની અને સામા પક્ષે હુમલો કર્યાની પોલીસમાં સામસામી ફરીયાદો થઇ છે.પ્રાપ્ય વિગતો મુજબ તાલુકાના ધુળશિયા ગામે રહેતા મોહનભાઇ માલાભાઇ ચાવડાને તાલુકાના સખપર ગામે રહેતા કિશોરભાઇ નાથાભાઇ સોલંકી, બાબુભાઇ સોલંકી, કિશોરભાઇના સસરા મંગાભાઈ અને શાળાઓ સહિત કુલ સાત શખ્સોએ એકસંપ કરી કુહાડી વડે ખુની હુમલો કરી ઈજા પહોંચાડતા ફરિયાદ નોંધાવા પામી હતી જયારે સામાપક્ષે કિશોરભાઈ સોલંકી, વિજય મોહનભાઈ ચાવડા, મોહનભાઈ માલા ભાઈ ચાવડા, સવિતાબેન મોહનભાઈ તેમજ મનીષ મોહનભાઈ વિરુદ્ઘ હુમલો કરીયાની ફરિયાદ નોંધાવી હતી જેની તપાસ તાલુકા પોલીસના પીએસઆઇ એમ આર ગોંડલીયાએ હાથ ધરી છે.મારામારી અંગે પોલીસ સૂત્રોએ જણાવ્યું હતું કે આરોપીની દીકરી રેખાને ફરિયાદીનો પુત્ર રામજી અવારનવાર ફોન કરતો હોય જે અંગે બંને પરિવારો વચ્ચે મારામારી થવા પામી હતી જેને લઇ સામે સામે પોલીસ ફરિયાદ નોંધાઇ છે.

(12:01 pm IST)
  • અમેરિકાના દક્ષિણ કેલિફોર્નિયામાં આવેલા ભારે વરસાદ બાદ પૂરની સ્થિતિ સર્જાઈ છે. કેલિફોર્નિયામાં અનેક વિસ્તારોમાં ભૂસ્ખલનની ઘટના બની છે, જેના કારણે હજારો લોકો બેઘર થઈ ગયા છે અને 17 લોકોના મોત નિપજ્યા છે. જ્યારે 20થી વધુ લોકો લાપતા છે. મૃત્યુઆંક હજુ પણ વધે તેવી શક્યતા સેવાઈ રહી છે. access_time 6:16 pm IST

  • વડોદરામાં શાળા બંધ સમયે વાલીઓ સ્કુલ સંચાલકો વચ્ચે ઉગ્રતાઃ વાલીઓએ શાનેન સ્કુલ બંધ કરાવ્યાના હેવાલઃ પરીક્ષા ચાલતી હતી access_time 11:32 am IST

  • અમરેલીના ચક્કરગઢ રોડ ઉપર આંગડિયા પેઢીનો કર્મચારી લુંટાયો :કર્મચારી પાસેથી છરીની અણીએ લૂંટ :ગુજરાત આંગડિયા પેઢીના કર્મચારીને ચાર અજાણ્યા શખ્સો દ્વારા છરીની અણીએ લૂંટી માર મારીને ફરાર:લૂંટમાં ઘાયલ કર્મચારીને સિવિલ હોસ્પિટલમાં સારવાર માટે ખસેડાયો access_time 12:01 am IST