News of Friday, 12th January 2018

મોરબીમાં ટ્રાફિક અવરનેસ કાર્યક્રમ સંપન્ન

 મોરબીની નવયુગ લો કોલેજના વિદ્યાર્થીઓ દ્વારા ટ્રાફિક અવેરનેસનો કાર્યક્રમ યોજવામાં આવ્યો હતો જે કાર્યક્રમમાં એ ડીવીઝન પોલીસના અધિકારીઓ ઉપસ્થિત રહીને ટ્રાફિક જાગૃતિ અને ટ્રાફિક સમસ્યાના ઉકેલ અંગે માર્ગદર્શન આપ્યું હતું. મોરબીની નવયુગ લો કોલેજના વિદ્યાર્થીઓ દ્વારા લોકોમાં ટ્રાફિક બાબતે જાગૃતિ આવે તે માટે ટ્રાફિક અવેરનેશ કાર્યક્રમ યોજવામાં આવેલ જેમાં વિદ્યાર્થીઓ વિવિધ માર્ગ પર ઉભા રહીને લોકોને ટ્રાફિક બાબતે જાગૃત કર્યા હતા. સરદાર બાગ નજીક યોજાયેલા કાર્યક્રમમાં ડીવાયએસપી બન્નો જોષી, એ ડીવીઝન પીઆઈ ચૌધરી, કોલેજના પ્રિન્સીપાલ હેતલબેન ઉપસ્થિત રહ્યા હતા. ટ્રાફિક અવેરનેશ કાર્યક્રમમાં પીઆઈ ચૌધરીએ વર્ષ બહારની ટ્રાફિક સંબંધિત કાર્યવાહીની માહિતી આપી હતી તેમજ માર્ગ અકસ્માતમાં થઇ રહેલા મૃત્યુનો આંક આપીને ટ્રાફિકના નિયમોનું પાલન કરવા તેમજ લોકોને સ્વયં જાગૃત બનવા અપીલ કરી હતી.

(11:49 am IST)
  • ભાગેડુ અપરાધી અને ઉદ્યોગપતિ વિજય માલ્યાના પ્રત્યર્પણના કેસમાં લંડનની અદાલતમાં ગુરુવારે યોજાયેલી સુનાવણીનું કોઇ નક્કર પરિણામ આવ્યું નથી. વિજય માલ્યાનું પ્રત્યર્પણ ફરીથી પાછું ઠેલાયું છે. પુરાવાનો સ્વીકાર કરવો કે નહીં તે બાબતે વિજય માલ્યાના વકીલે દલીલ અને રજૂઆત કર્યા બાદ માલ્યાના જામીન બે એપ્રિલ સુધી લંબાવવામાં આવેલ છે. access_time 3:54 pm IST

  • અમેરિકાના દક્ષિણ કેલિફોર્નિયામાં આવેલા ભારે વરસાદ બાદ પૂરની સ્થિતિ સર્જાઈ છે. કેલિફોર્નિયામાં અનેક વિસ્તારોમાં ભૂસ્ખલનની ઘટના બની છે, જેના કારણે હજારો લોકો બેઘર થઈ ગયા છે અને 17 લોકોના મોત નિપજ્યા છે. જ્યારે 20થી વધુ લોકો લાપતા છે. મૃત્યુઆંક હજુ પણ વધે તેવી શક્યતા સેવાઈ રહી છે. access_time 6:16 pm IST

  • શુક્રવારે બ્લાઇન્ડ ક્રિકેટ વર્લ્ડ કપના ત્રીજા મેચમાં ભારતે પાકિસ્તાનને સાત વિકેટે હરાવ્યું હતું. આ ટુર્નામેન્ટ યુનાઇટેડ આરબ એમિરેટ્સમાં રમાય રહી છે. access_time 6:52 pm IST