News of Friday, 12th January 2018

ઉના સરકારી હોસ્પીટલમાં અંતે બે ડોકટરોની નિમણૂક બાકીના ડોકટરો કયારે નિમાશે ? પ્રજામાં પ્રશ્ન

ઉના,તા.૧૨ : સરકારી હોસ્પીટલમાં છેલ્લા કેટલાય સમયથી ડેપ્યુટેશન વાળા ડોકટરોથી ગાડું ગબડાવાતુ હોઇ કાયમી ડોકટરોની નિમણૂંક માટે લોકોની માંગણી બાદ અવારનવાર સમાચારો પ્રસિધ્ધ થતા અંતે આ હોસ્પીટલને બે ડોકટરોની નિમણૂકો ગુજરાત સરકારના આરોગ્ય વિભાગ તરફથી થયેલ છે.

ઉના ઇન્ચાર્જ સુપ્રિ. ડો.અભાણી પાસેથી મળતી માહિતી મુજબ ઉના હોસ્પીટલમાં ડેન્ટલ તેમજ ફીજીયોથેરાપી ડોકટરોની નિમણૂંક થયેલ છે અને બંન્ને વિભાગ શરૂ કરી દેવાયેલ છે આમ જનતાને રાહત થનાર છે.

મેડીકલ ઓફીસરો, સર્જન અને એવી તમામ જગ્યાઓ ખાલી હોઇ ગુજરાત સરકારશ્રી તાકીદે ઘટતું કરે તેવી લોકલાગણી ઉભી થયેલ છે.

(11:46 am IST)
  • શુક્રવારે બ્લાઇન્ડ ક્રિકેટ વર્લ્ડ કપના ત્રીજા મેચમાં ભારતે પાકિસ્તાનને સાત વિકેટે હરાવ્યું હતું. આ ટુર્નામેન્ટ યુનાઇટેડ આરબ એમિરેટ્સમાં રમાય રહી છે. access_time 6:52 pm IST

  • સુપ્રીમ કોર્ટના જજોના વિવાદ પર કૉંગ્રેસે SIT દ્વારા તપાસ કરાવવાની કરી માંગ : પત્રકાર પરિષદમાં ન્યાયમૂર્તિઓના મુદ્દે કોંગેસ અધ્યક્ષ રાહુલ ગાંધીએ કહ્યું કે આ ઘટના અભૂતપૂર્વ છે, પ્રથમ વખત આવી ઘટના બની છે - ન્યાયમૂર્તિઓએ જસ્ટીસ લોયાની વાત કરી છે, તેની ઉચ્ચ સ્તરે તપાસ કરાવો - ન્યાયમૂર્તિઓનો પ્રશ્ન અત્યંત મહત્વપૂર્ણ છે તેનો ત્વરિત ઉકેલ લાવવો જોઈએ - સમગ્ર દેશને અદાલતી પ્રણાલી પર સંપૂર્ણ વિશ્વાસ છે : શ્રી સુર્જેવાલાએ વધુમાં કહ્યું કે સુપ્રીમ કોર્ટને ન્યાયમૂર્તિઓ દ્વારા ઉઠાવવામાં આવેલા મુદ્દાઓ પર વિચાર કરવો જોઇએ : જજો દ્વારા થયેલ પત્રકાર પરિષદ લોકશાહી પર દૂરગામી અસર કરશે access_time 8:11 pm IST

  • હઝ પર 9 ટકા જીએસટી દૂર કરવાની માંગ સાથે દાખલ કરાયેલ અરજીની પર આજે સુપ્રીમ કોર્ટે કેન્દ્ર સરકારને પોતાનો જવાબ રજુ આપવાનો આદેશ આપ્યો છે access_time 9:32 am IST