Gujarati News

મોરબી શહેર ઓધોગિક નગરી સાથે ક્રાઈમ નગરી બની રહી હોય તેમ હત્યા જેવા ગંભીર ગુન્હાઓ સામાન્ય બની ગયા છે હજુ તો મોરબીમાં થયેલી ગેંગવોરની ઘટનાના આરોપીઓ પોલીસને હાથ લાગ્યા નથી ત્યારે આજે લખધીરપુર રોડ પર હત્યા કરાયેલ મૃતદેહ મળી આવતા પોલીસ ટીમ દોડી ગઈ હતી અને બનાવની તપાસ હાથ ધરી છે

મોરબીના લખધીરપુર રોડ પર આવેલ રેડીયન્ટ એનર્જી નામના કારખાનાના લેબર ક્વાર્ટરમાં શ્રમિકને છરીના ઘા ઝીકી હત્યા કરવામાં આવી હોય તેવી માહિતી મળતા બી ડીવીઝન પીઆઈ વિરલ પટેલ સહિતની ટીમ દોડી ગઈ હતી લેબર ક્વાર્ટર માં શ્રમિકનો મૃતદેહ મળી આવ્યો હતો જેના શરીર પર છરીના ઘા ઝીકી હત્યા કરવામાં આવી હોય તેવા નિશાન મળી આવ્યા હતા જેથી પોલીસે મૃતદેહ પીએમ અર્થે હોસ્પિટલ ખસેડી બનાવની નોંધ કરી વધુ તપાસ હાથ ધરી છે.