Gujarati News

Gujarati News

News of Friday, 9th February 2018

જેતપુરમાં ગેલેકસી એપાર્ટમેન્ટમાંથી અજય કેસરીયા દારૂની ૧૧૪ બોટલ સાથે પકડાયો

જયેશ ઉર્ફે જલો કોળી નાશી જતા શોધખોળ

જેતપુર, તા. ૯ : જેતપુર સરદાર ચોકમાં બાતમીના આધારે પોલીસે ગેલેકસી એપાર્ટમેન્ટમાં દરોડો પાડી દારૂની ૧૧૪ બોટલ સાથે લોહાણા શખ્સને ઝડપી લીધો છે.

મળતી વિગત મુજબ રાજકોટ ગ્રામ્ય જીલ્લા પોલીસ અધિક્ષક અંતરીપ સુદની સુચના મુજબ રાજકોટ ગ્રામ્ય વિસ્તારમાં દારૂ તથા જુગારની બદીને નાબુદ કરવા માટેની સુચના તથા માર્ગદર્શન હેઠળ જેતપુર સીટી પો.સ્ટે.ના પો. ઇન્સ. એમ.એન. રાણા તથા સ્ટાફ પેટ્રોલીંગમાં હતાં દરમ્યાન પી.સી. ધમભા જેઠવાને બાતમી રાહે મળેલ ચોક્કસ હકીકત મળેલી કે જેતપુર સરદાર ચોકમાં ગેલેકસી એપાર્ટમેન્ટમાં રહેતો અજય રસીકભાઇ કેસરીયા તથા જયેશ ઉર્ફે જલો રમેશભાઇ કોળી બંને ઇંગ્લીશ દારૂનો જથ્થો મગાવી અજય કેસરીયાના રહેણાંક મકાને રાખી વેચાણ કરે છે તેવી બાતમીના આધારે રેઇડ કરતા કોઠાર રૂમમાંથી જુદા જુદા બ્રાન્ડની ઇંગ્લીશ દારૂની બોટલ નંગ ૧૧૪ કિ. ૪૩,ર૦૦ સાથે નં.૧ને પકડી પાડી લીધો હતો. જાયરે જયેશ ઉર્ફે જલો નાસી જતા જેતપુર સીટી પો.સ્ટે.ના. પો. ઇન્સ. એમ.એન. રાણા, તથા પીએસઆઇ ધીરૂભાઇ ડાંગર એચ.સી. સંજયભાઇ પરમાર, તથા અનિલભાઇ ગુજરાતી પી.સી. નારણભાઇ પંપાણીયા તથા પી.સી. ધમભા જેઠવા તથા પી.સી. ચેતનભાઇ ઠાકોર , પી.સી. ભાવેશભાઇ ચાવડા તથા પી.સી. લખુભા રાઠોડ તથા પી.સી. દિવ્યેશભાઇ સુવા વિગેરે સ્ટાફે શોધખોળ આદરી છે.

(4:18 pm IST)
  • રાજૂલા, જાફરાબાદ અને ટીંબીમાં ભૂકંપનો આંચકો અનુભવાયો : આસપાસના 10થી વધુ ગામડાંમાં ભૂકંપની અસર જોવા મળી : અનેક વિસ્તારોમાં મકાનોમાં તિરાડો પડી access_time 4:41 pm IST

  • ઉત્તરાખંડમાં રાષ્ટ્રપતિ શાસન રદ્દ કરવાનો ચુકાદો આપનાર હાઈકોર્ટના મુખ્ય ન્યાયામૂર્તિને સુપ્રિમ કોર્ટમાં પદોન્નતિ માટે મોદી સરકારે મંજૂરીનો ઈન્કાર કર્યો!! access_time 11:45 am IST

  • ફિલ્મ મણીકર્ણિકાના નિર્માતાઓને મળી મોટી રાહત : બ્રાહ્મણ સમાજે ફિલ્મનો વિરોધ પાછો ખેંચ્યો : 5 ફેબ્રુઆરીના રોજ બ્રાહ્મણ સમાજએ કંગના રનૌતની આગામી ફિલ્મ 'મણીકર્ણિકા' સામે ઈતિહાસમાં ચેડાં કરવાનો દાવો કરીને વિરોધ કર્યો હતો : ફિલ્મ નિર્માતાઓનું આશ્વાશન મળ્યા બાદ બ્રાહ્મણ સમાજે પોતાનો વિરોધ પાછો લીધો હોવાનું જાણવા મળી રહ્યું છે access_time 12:46 am IST