Gujarati News

Gujarati News

News of Friday, 9th February 2018

ભાવનગરના ત્રાપજ પાસે અકસ્માતમાં અલંગના વેપારી વિજય ભટ્ટનું મોત

ભાવનગર-તળાજા હાઇવે ઉપર કાર અને ડમ્પર અથડાતા સર્જાયેલા અકસ્માતમાં એકનું મોત નિપજયુ હતુ. જયારે ત્રણને ગંભીર ઇજા થતા ભાવનગરથી ખાનગી હોસ્પિટલ ખસેડાયેલ છે. મૃતક યુવાન ભાવનગરનો રહેવાસી અને અલંગનો વેપારી હતો.(તસ્વીર : મેઘના વિપુલ હિરાણી-ભાવનગર)

ભાવનગર તા.૯ : ભાવનગર નજીક ત્રાપજ પાસે કાર અને ડમ્પર વચ્ચે અકસ્માત થતા ભાવનગરના વિપ્ર યુવાનનું મોત નિપજયુ છે. જયારે ત્રણને ગંભીર ઇજા થઇ હતી. ભાવનગરની ખાનગી હોસ્પિટલમાં ખસેડાયેલ છે.

અકસ્માતની મળતી વિગતો મુજબ ભાવનગર-તળાજા હાઇવે પર ત્રાપજ નજીક આજે સવારે કાર અને ડમ્પર વચ્ચે સર્જાયેલ અકસ્માતના ૪ને ગંભીર ઇજા થઇ હતી. જે પૈકી અલંગ ખાતે વ્યવસાય ધરાવતો વેપારી વિજયભાઇ બટુકભાઇ ભટ્ટ નામના ભાવનગર શહેરના વિપ્ર યુવાનનું મોત નિપજયુ હતુ. જયારે ત્રણને ભાવનગરની ખાનગી હોસ્પિટલમાં ખસેડાયેલ છે. મૃતક અલંગમાં વિજય શેઠ તરીકે નામના ધરાવતા હતા. બનાવની જાણ થતા જ પોલીસ કાફલો ઘટનાસ્થળે દોડી આવ્યો હતો.

(4:16 pm IST)