Gujarati News

Gujarati News

News of Friday, 9th February 2018

સિક્કાના પીએસઆઇ જે.કે.મોરીને સસ્પેન્ડ કરવા માંગણીઃ જામનગરમાં સતવારા સમાજની રેલી-આવેદન

સિક્કાના પીએસઆઇ જે.કે.મોરીને સસ્પેન્ડ કરવા માંગણીઃ જામનગરમાં સતવારા સમાજની રેલી-આવેદન

જામનગરઃ તસ્વીરમાં સતાવારા સમાજની રેલી તથા જીલ્લા પોલીસ અધિક્ષકને આવેદનપત્ર પાઠવાયું તે નજરે પડે છે.(તસ્વીરઃ કિંજલ કારસરીયા-જામનગર)

 જામનગર તા. ૯ : જામનગરમાં શ્રી સમસ્ત સતવારા સમાજના હોદેદારો મહિલા, પુરૂષોની રેલી નીકળી હતી અને જામનગર જીલ્લાના સિક્કાના પીએસઆઇ જે.કે.મોરી દ્વારા સતવારા સમાજની મહિલાને અભદ્રઅપશબ્દો કહીને માર મારવાના પ્રકરણમાં જે.કે. મોરીને સસ્પેન્ડ કરવાની માંગણી સાથે સુત્રોચ્ચાર કરીને જીલ્લા પોલીસ અધિક્ષકશ્રીને આવેદનપત્ર પાઠવ્યુ હતું.

આવેદનપત્રમાં વધુમાં જણાવ્યું છેકે જામનગર જિલ્લાના આમરાના સતવાર સમાજના જયશ્રીબેન ધારવિયાનો કૌટુંબીક પ્રશ્ને જગડાનો બનાવ બનેલ તેના અનુસંધાને આમારા ગામ સિક્કા પોલીસ સ્ટેશન હેઠળ આવતુ હોય તેથી જયશ્રીબેને કરેલ અગાઉ અરજી અનુસંધાને પી.એસ.આઇ.જે.કે. મોરીને ટેલીફોન કરીને સિકકા પોલીસ સ્ટેશને ગયેલ અને જયશ્રીબેને પોતાના બનાવ બાબતે જે.કે.મોરી સાથે વાત કરતા મોરી ટેલીફોન કેમ કરેલ તેમ કહીને અભદ્ર શબ્દોનો ઉપયોગ કર્યો હતો. અને ઝાપટ મારીને અપમાન કરેલ અને સતવારા સમાજનું અપમાન કરેલ ત્યાર બાદ સમાજના આગેવાનો તથા ધારાસભ્ય વલ્લભભાઇ ધારવિયા દ્વારા રૂબરૂ એસ.પી.શ્રીને આ ઉપરોકત બનાવ બાબતે વાકેફ કરેલ અને જે.કે.મોરી ઉપર પગલા લેવા જણાવ્યું હતું. ત્યાર બાદ ૮ થી ૧૦ દિવસ સુધી કોઇ જ નિર્ણય ન લેતા જે.કે.મોરી દ્વારા જયશ્રીબેનને કરેલ વાણી અને ગાળો આપેલ તેની ઓડીયો કલીપ વાયરલ થતા ગુજરાતભરના સતવારા સમાજમાં રોષની લાગણી ફેલાયેલ છે અને દરેક ગામ-તાલુકા જિલ્લાના સતવારા સમાજના લોકો આવેદનો આપેલ છે. છતા આજ દિવસ સુધી પીએસઆઇ ઉપર કોઇ જ પગલા ન ભરાતા જામનગર જીલ્લાના તમામ સતવારા સમાજના ગામે-ગામના સમાજના આગેવાનો મહિલા મંડળો-રાજકીય આગેવાનો તથા સોશ્યલ ગૃપો તથા અન્ય સતવારા સમાજના સુરક્ષા માટેના યુવાન મંડળો-ગૃપો તમામ સતવારા સમાજની મહિલા ઉપર પોલીસને ન શોભે તેવું વર્તન કરેલ છે તેને વખોડી કાઢે છે અને સતવારા સમાજનું અપમાન કરેલ છે છતા દોઢ મહિના જેવો સમય વિતી ગયેલ હોય છતા પગલા ન લેતા સતવારા સમાજમાં રોષ ફેલાયેલો છેઆ મુદ્દે ન્યાય  આપવા માંગણી કરી છે.

(4:14 pm IST)
  • ગોવા સરકારના પ્રધાન વિજય સરસદેસાઈએ ઉત્તર ભારતીય પર્યટકોને લઈને વિવાદીત નિવેદન આપ્યું છે અને તેમને ધરતી પર ગંદગી ગણાવ્યા છે. વિજય સરદેસાઈએ કહ્યુ છે કે આ પર્યટકો ગોવાને હરિયાણા બનાવવા ચાહે છે. પોતાના સંબોધનમાં વિજય સરદેસાઈએ ઉત્તર ભારતીય પર્યટકોને મોટા પૂર સમાન ગણાવ્યા અને તેમણે ગોવાને બીજું ગુરુગ્રામ નહીં બનવા દેવાની વાત પણ કરી હતી. access_time 7:25 pm IST

  • સુનાવણીના સીધા પ્રસારણ કરવા અરજી મામલે સુપ્રીમ કોર્ટે કેન્દ્ર સરકાર પાસે માંગ્યો જવાબ : બંધારણીય અને મહત્વના રાષ્ટ્રીય મામલાની સુનાવણીનું સીધું પ્રસારણ કરવાની અરજીમાં કેન્દ્રને પોતાનો પક્ષ જણાવવા સુપ્રીમ કોર્ટે કહ્યું access_time 9:23 am IST

  • પ્રતિબંધ છત્તા તેજાબના ખુલ્લેઆમ વેચાણ વિરૂદ્ધ થયેલી અરજી અંગે સુપ્રીમ કોર્ટે કેન્દ્ર અને રાજ્ય સરકારોને નોટિસ ફટકારી : સુપ્રીમ કોર્ટે કેન્દ્ર અને તમામ રાજ્ય સરકારો પાસેથી જવાબ માંગ્યો : અરજીમાં સર્વોચ્ચ ન્યાયાલયના આદેશનું ઉલ્લંઘન થતું હોવાનું કહેવાયું છે access_time 9:22 am IST