News of Friday, 9th February 2018

બે દિ'થી ફરી ઠંડીનો ચમકારોઃ સવારથી ઠાર છવાયો

સૌરાષ્ટ્ર-કચ્છમાં જોરદાર ઝાકળવર્ષાઃ લઘુતમ તાપમાનમાં વધઘટ વાહન વ્યવહારને ભારે અસર

રાજકોટ તા.૯: રાજકોટ સહિત સૌરાષ્ટ્ર-કચ્છમાં સર્વત્ર ઠંડીની અસરમાં વધારા સાથે આજે વહેલી સવારે જોરદાર ઝાકળવર્ષા થઇ હતી.

ગઇકાલે વહેલી સવારથી ઠંડીની અસરમાં વધારા સાથે લઘુતમ તાપમાનમાં વધારો થતા ફરી વખત શિયાળાની ઠંડી સાથે સવારના સમયે ખુશનુમા વાતાવરણનો અનુભવ થઇ રહ્યો હતો કાલે રાત્રીના અને આજે વહેલી સવારના પણ ઠંડકનો અનુભવ યથાવત છે.

આવા વાતાવરણ વચ્ચે આજે વહેલી સવારના જોરદાર ઝાકળવર્ષાનો અનુભવ થયો હતો અને હાઇ-વે ઉપર વાહન વ્યવહારને ભારે મુશ્કેલીનો સામનો કરવો પડ્યો હતો અને વાહનોમા સતત લાઇટ ચાલુ રાખવી પડી હતી. જોરદાર ઝાકળવર્ષાના કારણે રસ્તા ઉપર જોવામાં પણ વાહન ચાલકોને ભારે મુશ્કેલીનો સામનો કરવો પડ્યો હતો.

બે દિવસથી ફરી ઠંડીનો ચમકારાનો અનુભવ થઇ રહ્યો છે અને સવારથી ઠાર છવાઇ ગયો છે.

ગોંડલ

ગોંડલઃ શહેર અને ગ્રામ્ય વિસ્તારમાં પણ જોરદાર ઝાકળવર્ષા થતા વાહન વ્યવહારને ભારે અસર પડી હતી.

જામનગર

જામનગર : શહેરના તાપમાન ર૮ મહત્તમ, ૧૩ લઘુતમ, ૯૧ ટકા વાતાવરણમાં ભેજનું પ્રમાણ ૪.પ કિ. મી. પ્રતિ કલાક પવનની ઝડપ  રહી હતી.

કયાં કેટલી ઠંડી-ભેજ

શહેર

લઘુતમ તાપમાન

ભેજ

ગિરનાર

૪.૮ ડીગ્રી

૮૮ ટકા

ગાંધીનગર

૯.૦ ડીગ્રી

૬૭ ટકા

અમદાવાદ

૯.૮ ડીગ્રી

પ૯ ટકા

જુનાગઢ

૯.૯ ડીગ્રી

૭૧ ટકા

ડીસા

૧૧.૧ ડીગ્રી

પ૦ ટકા

નલીયા

૧૧.૪ ડીગ્રી

૮૮ ટકા

દિવ

૧૧.૪ ડીગ્રી

૭પ ટકા

પોરબંદર

૧૧.૯ ડીગ્રી

૭૦ ટકા

મહુવા

૧૧.૯ ડીગ્રી

પ૬ ટકા

ભાવનગર

૧૪.૪ ડીગ્રી

૪૮ ટકા

રાજકોટ

૧૪.પ ડીગ્રી

૯૩ ટકા

વેરાવળ

૧૬.ર ડીગ્રી

૬૧ ટકા

(11:49 am IST)
  • ભારત અને પેલેસ્ટાઈન વચ્ચે છ કરારો થયાઃ પેલેસ્ટાઈનની મુલાકાતે ગયેલ ભારતના વડાપ્રધાન નરેન્દ્ર મોદીએ સન્માન માટે પેલેસ્ટાઈનનો આભાર માન્યો : બંને દેશો વચ્ચે આરોગ્ય, પર્યટન અને રમત-ગમત ક્ષેત્રે કરારો થયા access_time 5:50 pm IST

  • ગોવા સરકારના પ્રધાન વિજય સરસદેસાઈએ ઉત્તર ભારતીય પર્યટકોને લઈને વિવાદીત નિવેદન આપ્યું છે અને તેમને ધરતી પર ગંદગી ગણાવ્યા છે. વિજય સરદેસાઈએ કહ્યુ છે કે આ પર્યટકો ગોવાને હરિયાણા બનાવવા ચાહે છે. પોતાના સંબોધનમાં વિજય સરદેસાઈએ ઉત્તર ભારતીય પર્યટકોને મોટા પૂર સમાન ગણાવ્યા અને તેમણે ગોવાને બીજું ગુરુગ્રામ નહીં બનવા દેવાની વાત પણ કરી હતી. access_time 7:25 pm IST

  • ભારત - દક્ષિણ આફ્રિકા મહિલા થર્ડ વનડે : ડુ પ્રીઝે દક્ષિણ આફ્રિકાને જીત અપાવી : છતાં ટીમ ઈન્ડિયાએ શ્રેણી 2-1થી જીતી લીધી : સ્મૃતિ માંન્ધાનાને પ્લેયર ઓફ ધ સિરીઝ એવોર્ડ એનાયત કરવામાં આવ્યો access_time 12:56 am IST