Gujarati News

Gujarati News

News of Friday, 9th February 2018

રાણપુર હોમગાર્ડનો શંકાસ્પદ હાલતમાં મૃતદેહ મળતા ચકચાર

ભાવનગર તા. ૯: બોટાદ જીલ્લાના રાણપુર ગામે રહેતા અશોકભાઇ પીપળીયા (ઉ.વ.૩૦) નામનો યુવાન હોમગાર્ડમાં ફરજ બજાવે છે. બુધવારે પોતાના ઘરેથી ફરજ ઉપર જવા નીકળ્યા હતા. રાણપુરની કોર્ટ શંકુલમાં ગઇકાલે મોડી રાત્રે તેમની નોકરી હતી. દરમ્યાનમાં ગુરૂવારે વ્હેલી સવારે રાણપુરના ક્રિષ્ના કોમ્પ્લેક્ષ અને જન્મભૂમિ હાઇસ્કૂલ વચ્ચે આવેલા નવેળામાંથી શંકાસ્પદ હાલતમાં હોમગાર્ડ જવાનનો મૃતદેહ મળી આવ્યો હતો. આ બનાવની જાણ થતા રાણપુર પોલીસ મથકના પીએસઆઇ રામાણી સહિતનો પોલીસ કાફલો ઘટના સ્થળે દોડી ગયો હતો અને મૃતકની ઓળખવિધી કરતા આ લાશ હોમગાર્ડ જવાનની હોવાનું ખુલવા પામ્યું હતું. આ બનાવ અકસ્માતનો છે કે તેની હત્યા કરાઇ છે કે આત્મહત્યા કરી છે તે અંગે પોલીસ ઘનીષ્ટ તપાસ હાથ ધરી છે. આ વિસ્તારના સીસી ટીવી કુટેજ પણ ચેક કરાયા હતા. પરંતુ ખાસ શંકાસ્પદ કોઇ બાબત જાણવા મળી નથી. પોલીસે આ બનાવની ઘનિષ્ટ તપાસ હાથ ધરી છે.

(11:36 am IST)
  • ભારત અને પેલેસ્ટાઈન વચ્ચે છ કરારો થયાઃ પેલેસ્ટાઈનની મુલાકાતે ગયેલ ભારતના વડાપ્રધાન નરેન્દ્ર મોદીએ સન્માન માટે પેલેસ્ટાઈનનો આભાર માન્યો : બંને દેશો વચ્ચે આરોગ્ય, પર્યટન અને રમત-ગમત ક્ષેત્રે કરારો થયા access_time 5:50 pm IST

  • ફિલ્મ મણીકર્ણિકાના નિર્માતાઓને મળી મોટી રાહત : બ્રાહ્મણ સમાજે ફિલ્મનો વિરોધ પાછો ખેંચ્યો : 5 ફેબ્રુઆરીના રોજ બ્રાહ્મણ સમાજએ કંગના રનૌતની આગામી ફિલ્મ 'મણીકર્ણિકા' સામે ઈતિહાસમાં ચેડાં કરવાનો દાવો કરીને વિરોધ કર્યો હતો : ફિલ્મ નિર્માતાઓનું આશ્વાશન મળ્યા બાદ બ્રાહ્મણ સમાજે પોતાનો વિરોધ પાછો લીધો હોવાનું જાણવા મળી રહ્યું છે access_time 12:46 am IST

  • મહિસાગરમાં ડમ્પીંગ યાર્ડ સામે ગ્રામજનોનો વિરોધઃ પોલીસ સાથે ઘર્ષણ થતા ટીયરગેસ છોડાયોઃ બાલાસિનોર નજીક ડમ્પીંગ યાર્ડનું કામ શરૂ થતા ગ્રામજનોના ટોળા દ્વારા જોરદાર વિરોધ પ્રદર્શન : ડીવાયએસપી પી.આઈ. સહિતનો પોલીસ કાફલો ઘટના સ્થળે દોડી ગયો હતો : ગ્રામજનો અને પોલીસ વચ્ચે ઘર્ષણ થયુ : ટોળાને કાબુમાં લેવા ટીયરગેસના ૩ સેલ છોડવામાં આવ્યા access_time 5:48 pm IST