Gujarati News

મોરબીમાં જેતપર હાઇવે રોડ નજીક બાઈકમાં વીદેશી દારૂની હેરાફેરી કરતા એક ઈસમની મોરબી તાલુકા પોલીસે ધરપકડ કરી ધોરણસરની કાર્યવાહી હાથ ધરી છે.

આ અંગેની પ્રાપ્ત વિગતો અનુસાર મોરબી જેતપર હાઇવે રોડ પીપળી ગામથી આગળ એસ્સાર પેટ્રોલ પંપની નજીક રોડ ઉપર તાલુકા પોલીસની ટીમ પેટ્રોલિંગમાં હતી. એ દરમિયાન આરોપી પ્રવિણભાઇ લખમણભાઇ સાલાણી પોતાના હવાલાવાળા બાઈક પર જેના નં.GJ-36-D-0647 છે કિં.રૂ.૨૦,૦૦૦ વાળામાં નીકળતા પોલીસે તેને અટકાવતા આરોપી પાસેથી ભારતીય બનાવટના વિદેશી ઇગ્લીશ દારૂ મેકડોલ નંબર-૧ સુપીરીયર વીસ્કી ઓરીજનલ ફોર સેલ ઇન હરીયાણા ઓન્લી લખેલ ૭૫૦ મીલી કાચની શીલ બંધ બોટલ નંગ-૪ તથા વાઇટ લેગ વોટકા ઓરેન્જ ફલેવર ફોર સેલ ઇન રાજસ્થાન ઓન્લી લખેલ ૭૫૦ મીલી કાચની શીલ બંધ બોટલ નંગ-૮ એમ મળી કુલ બોટલ નંગ-૧૨ કિમત રૂપિયા-૩૯૦૦નો જથ્થો મળી આવ્યો હતો. જેથી પોલીસે તેની અટકાયત કરી બાઈક તેમજ દારૂના જથ્થા સહિત કુલ રૂ. ૨૩,૯૦૦નો મુદામાલ જપ્ત કરી પ્રોહી એકટ કલમ-૬૫(એ)(ઇ),૧૧૬(બી),૯૮(૨) મુજબ ગુનો નોંધી કાયદેસરની કાર્યવાહી હાથ ધરી છે