Gujarati News

Gujarati News

News of Thursday, 8th March 2018

જેતપુરના પીઠડીયામાં ગ્રામજનોના રોષ સામે તંત્ર ઝુકયું: કામગીરી મોકુફ

જેતપુર, તા., ૮:  તાલુકાના પીઠડીયા  ગામેથી સરકારની નર્મદાના પાણી માટેની ડી પાઇપ લાઇનના પ્રશ્ને આજરોજ સવારથી જ ખેડુતો પોતાની જમીન ઉપર પાઇપ લાઇન ન નાખવા અને જો નાખે તો પુરતુ વળતર આપવાની માંગણી સાથે બહોળી સંખ્યામાં વિરોધ દર્શાવવા એકત્રીત થયેલ. જેમાં મહીલા ખેડુત ખાતેદાર પણ હોય સરકારી તંત્રએ આજે સવારે પુરતા પોલીસ બંદોબસ્ત સાથે કાર્યવાહી કરવા પહોંચેલ પરંતુ ખેડુતો ટસના મસ ન થતા પોતાની માંગણી ન સંતોષાય તો પાઇપ લાઇન નાખવા દેવામાં નહી આવે તેવો ઉગ્ર વિરોધ દર્શાવતા તંત્રએ અંતે નમતુ જોખવુ પડયું. જો કર્મચારી કરે તો ખેડુતો આત્મ વિલોપન કરે અને જેસીબી આડે સુઇ જવાની તૈયારી દાખવતા હાલ પુરતું કાર્ય અટકાવી દેવામાં આવેલ અને તંત્રએ રોજકામ કરી આ કાર્ય શરૂ કરાશે તો શાંતી સુલેહનો ભંગ થાય તેવું હોય કાર્યવાહી હાલ ન કરવાનું નક્કી કરેલ.

વિશ્વ મહિલા દિવસ હોય સરકાર એક તરફ મહિલાઓ માટે કરોડોની ગ્રાંટ ફાળવે છે. અને અમો મહિલાઓ કે જેની આજીવીકાનું એક માત્ર સાધન ખેતી હોય તે બરબાદ કરી નાખવાનું કાર્ય કરે છે અમોને અમારા પોષણક્ષમ ભાવો આપવાના બદલે લાખોની કિંમતની જમીનના માત્ર ૧૦,૦૦૦ રૂપીયા વળતર આપી મહિલાઓની મજાક ઉડાવે છે તેમ આક્રોશભેર મહિલાઓએ જણાવ્યું હતું.

(3:58 pm IST)
  • દુનિયાના મહાન વૈજ્ઞાનિક આઈનસ્ટાઈને 42 વર્ષની ઉંમરે તેનાથી 20 વર્ષ નાની ઉંમરની યુવતીને પ્રેમ પત્ર લખ્યો હતો. જો કે આ પ્રેમ પત્ર વિશે ભાગ્યે જ કોઈ જાણતું હશે. આલબર્ટ આઈનસ્ટાઈનના 97 વર્ષ પહેલા લખાયેલા આ પત્રની ઈઝરાયેલની રાજધાની જેરુસેલમમાં 4 લાખ રૂપિયામાં હરાજી થઈ. જો કે એલીસાબેટ્ટા પીસીની નામની એ યુવતીએ આઈનસ્ટાઈનના પ્રેમનો સ્વીકાર કર્યો નહોતો. access_time 12:41 am IST

  • વિડિયોકોન ગ્રુપના ચેરમેન વેણુગોપાલ ધૂત દેશ છોડીને ભાગી ગયા હોવાના રિપોર્ટ વહેતા થયા હતા, જો કે વેણુગોપાલે કહ્યું કે ‘આ માત્ર અફવા છે હું ભારતમાં જ છું અને દેશ છોડીને જવાનો મારો કોઇ ઇરાદો પણ નથી. હું અહ્યાં ખુશ છું અને છેલ્લા 5 વર્ષથી દેશની બહાર ગયો પણ નથી.’ ઉલ્લેખનીય છે કે વિડિયોકોન પર 20,000 કરોડનો કરજો છે. access_time 4:50 pm IST

  • સુપર સ્ટાર રજનીકાંત સાથે જોવા મળેલ કૂતરાને ખરીદવા માટે ૨ કરોડ જેટલી જંગી રકમ આપવા ચાહકો તૈયાર access_time 5:54 pm IST