News of Thursday, 8th March 2018

મોરબીમાં વિજ ઇજનેરોના પ્રતિક ધરણા

 મોરબી : પીજીવીસીએલમાં ફરજ બજાવતા ઈજનેરોના જીઇબી એન્જીનીયર એસો દ્વારા એક દિવસના પ્રતિક ઉપવાસ અને ધરણા કરી પડતર પ્રશ્નો ઉકેલવાની માંગ કરવામાં આવી છે તેમજ આગામી દિવસોમાં વધુ ઉગ્ર આંદોલન અને અચોક્કસ મુદતની હડતાલ કરવાની પણ ચીમકી ઉચ્ચારવામાં આવી છે. જીઇબીમાં ફરજ બજાવતા એન્જીનીયરો સાતમાં પગારપંચ તેમજ અન્ય પડતર પ્રશ્નો અંગે સરકાર સામે લડતનો પ્રારંભ કર્યો છે જેમાં એક દિવસ વર્તુળ કચેરી ખાતે પ્રતિક ધરણાનો કાર્યક્રમ આપવામાં આવ્યો હતો જે એક દિવસના પ્રતિક ઉપવાસ ઉપરાંત આગામી દિવસોમાં લડત વધુ ઉગ્ર બનાવશે. જેમાં તા. ૧૩ ના રોજ વર્ક ટૂ રૂલ, તા. ૧૪ ના રોજ ગાંધીનગર ખાતે એક દિવસીય પ્રતિક ઉપવાસ, તા. ૨૦ ના રોજ બધી કંપનીના દરેક ઈજનેર સામુહિક માસ સી.એલ. કરશે અને ત્યારબાદ પણ જો ઈજનેર મંડળની માંગણી ના સંતોષાય તો આગામી તા. ૨૬ માર્ચથી અચોક્કસ મુદતની હડતાલ પર ઉતરી જશે તેમ પણ જણાવ્યું હતું. જીઇબી એન્જીનીયર એસોના નેજા હેઠળ તમામ એન્જીનીયરોએ સરકાર સામે લડતનો પ્રારંભ કર્યો છે અને સરકાર સામે લડી લેવાના મૂડમાં આંદોલનનો પ્રારંભ કરાયો છે.

(1:05 pm IST)
  • પાકિસ્તાનને અમેરિકાનો વધુ એક ઝટકો : 3 આતંકવાદીઓ પર જાહેર કર્યા 70 કરોડના ઈનામ : મુલ્લા ફઝલુલ્લાહ પર 5 મિલિયન ડૉલર (લગભગ 32 કરોડ રૂપિયા) અને બાકીના બંને અબ્દુલ વલી અને મનાલ વાઘ પર ત્રણ-ત્રણ મિલિયન ડોલર (એટલે કે 19-19 કરોડ)નું ઈનામ રાખવામાં આવ્યું છે. access_time 1:16 pm IST

  • રાષ્ટ્રપતિ રામનાથ કોવિંદ મોરિશ્યસ -માદાગાસ્કરની 11થી 15 માર્ચ દરમિયાન મુલાકાત લેશે access_time 12:04 am IST

  • રાજકોટના જામકંડોરણાના અડવાણાનાં એક ખેતરમાં યુવક - યુવતીના જમીનમાં દાટેલા મૃતદેહ મળતા ચકચાર મચી જવા પામી છે : પોલીસે શરૂ કરી તપાસ access_time 9:24 am IST