Gujarati News

Gujarati News

News of Thursday, 8th March 2018

જબુબેનની અંતિમ ઇચ્છા પૂર્ણ... રાજપર ગામે વાજતેગાજતે નિકળી અંતિમયાત્રા

 મોરબી નજીકના રાજપર ગામે રહેતા પટેલ પરિવારના માજીનું અવસાન થયું હતું અને માજીની અંતિમ ઈચ્છા અનુસાર પુત્રોએ વાજતે ગાજતે અબીલ ગુલાલની છોળો વચ્ચે અંતિમયાત્રા યોજી હતી. મોરબી નજીકના રાજપર ગામે રહેતા મારવાણીયા પરિવારે મૃત્યુને મહોત્સવની જેમ ઉજવીને માતાને તેની અંતિમ ઈચ્છા મુજબ વાજતે ગાજતે અબીલ ગુલાલની છોળ વચ્ચે અંતિમ વિદાઈ આપી હતી રાજપર ગામે રહેતા મારવાણીયા જબુબેનનું ૮૫ વર્ષની ઉમરે અવસાન થયું હતું અને માજીએ મૃત્યુ પૂર્વે જ તેના પુત્રો પ્રભુભાઈ, બળવંતભાઈ અને દિનેશભાઈને અંતિમ ઈચ્છા જણાવી હતી અને વાજતે ગાજતે તેની અંતિમયાત્રા યોજાય તેવી માતાની ઈચ્છા અનુસાર વાજતે ગાજતે અંતિમયાત્રા કાઢવામાં આવી હતી. ઢોલ નગારા સાથે વાજતે ગાજતે દીકરાઓએ માતાને અંતિમ વિદાય આપી હતી ઙ્ગજેમાં સમગ્ર ગામ જોડાયું હતું. જીવન ઉત્સવ છે તો મૃત્યુની પણ ઉજવણી કરી સકાય છે તે પણ દર્શાવ્યું હતું આજે ગ્રામજનોએ પણ જબુબેનની અંતિમ ઈચ્છા અને મૃત્યુના ઉત્સવને ઉજવવાના તેમના ઉત્સાહને પણ સૌ કોઈએ બિરદાવ્યો હતો. જીવનની જેમ મૃત્યુ પણ જીવનનું સત્ય છે છતાં પણ લોકો મૃત્યુના ભયથી થરથર કાપતા હોય છે ત્યારે દુનિયાને અલવિદા કહેતા આ વૃદ્ઘ માજીએ જીવનની સાથે મૃત્યુને પણ દિપાવ્યું હતું અને અનેરા ઉત્સવના સાક્ષી બનેલા સગા સ્નેહીઓ અને ગ્રામજનોએ પણ ગર્વ અનુભવ્યો હતો.

(1:04 pm IST)
  • સરકાર કુટુંબ નિયોજનને પ્રોત્સાહન આપે અને એવા પગલાં લ્યે જેથી દેશના લોકોને 2 બાળકોની પોલિસીને અનુસરવા માટે ઉત્સાહ મળે આવી માંગણી કરતી જાહેરહિતની અરજી સુપ્રીમમાં દાખલ access_time 12:07 am IST

  • મહાત્મા ગાંધી દ્વારા હસ્તાક્ષર કરાયેલ એક દુર્લભ ફોટો અમેરિકામાં 41,806 ડોલર એટલે કે 27 લાખ 22 હજાર 615 રૂપિયામાં વેચાણ કરવામાં આવ્યો છે. તસ્વીરમાં ગાંધીજીને મદન મોહન માલવિયા સાથે જોવામાં આવી રહ્યા છે. બોસ્ટન સ્થિત આરઆર ઓકશન મુજબ, આ ફોટો સપ્ટેમ્બર 1931 માં લંડનમાં બીજા રાઉન્ડ ટેબલ કોન્ફરન્સ પછી લેવામાં આવ્યો હતો. આ દુર્લભ ચિત્ર પર, મહાત્મા ગાંધીએ ફાઉન્ટેન પેન દ્વારા 'એમ કે ગાંધી' લખીને પોતાના હસ્તાક્ષર કર્યા છે. access_time 2:53 pm IST

  • આલેલે... : યુપીની 11 માર્ચે યોજાનાર પેટાચૂંટણીમાં પ્રધાનમંત્રી મોદી અને ક્રિકેટર વિરાટ કોહલી બન્યા મતદારો : ગોરખપુરના સહજનવાંમાં મતદાર યાદીમાં નીકળ્યા નામો : વહીવટી તંત્ર થયું ઉંધા માથે : આ ગડબડી સામે આવ્યા બાદ સ્થાનીક નેતાઓ અને અધિકારીમાં મચી અફરાતફરી : ચુંટણી પંચે શરૂ કરી તપાસ access_time 4:36 pm IST