Gujarati News

ખંભાળીયા તા. ૮ :.. ગુજરાત સરકારના બેટી બચાવો બેટી પઢાવો કાર્યક્રમ અંતર્ગત ખંભાળીયા નગરપાલિકા દ્વરા શહેરી વિસ્તારની કન્યાઓને અંગ્રેજી શિક્ષણનું જ્ઞાન મળે અને શિક્ષણનો વ્યાપ થાય તે માટે પાલિકા સંચાલીત શેઠ શ્રી દા. સું. ગર્લ્સ હાઇસ્કુલમાં નિઃશુલ્ક અંગ્રેજી સ્પોકન કોર્સનું આયોજન કરવામાં આવ્યું છે.

તા. ૩ ના રોજ બપોરે ૪ વાગ્યે દા. સું. ગર્લ્સ હાઇસ્કુલ ખાતે આંતર રાષ્ટ્રીય મહીલા દિનની ઉજવણીના સંદર્ભમાં લર્ન કવીકલી ઇંગ્લીશ પુસ્તકનું વિમોચન તથા કોર્સમાં ભાગ લેનાર વિદ્યાર્થીઓને સર્ટીફીકેટ એનાયત કરાશે.

કાર્યક્રમમાં પધારવા પાલિકા પ્રમુખશ્રી શૈલેષભાઇ કણઝારીયા, ઉપપ્રમુખ ફાલ્ગુનીબેન વ્યાસ, ચીફ ઓફીસર શ્રી એ. કે. ગઢવી, કારો. ચેરમેન સોનલબેન વાનટીયા તથા શાસક પક્ષના નેતા ડી. ડી. દતાણી તથા શેઠ દા. સું. ગર્લ્સ સ્કુલના પ્રિન્સ્ીપાલ પ્રજ્ઞાબેન આહીર દ્વારા યાદીમાં જણાવાયું છે.