News of Thursday, 8th March 2018

બોટાદના રોજીદ ગામના તલાટી મંત્રી આશીષ મોદી રૂ. ૧૦ હજારની લાંચ લેતા ઝડપાયો

ભાવનગર તા. ૮ : ભાવનગર લાંચ રૂશ્વત વિરોધી ખાતાના સ્ટાફે બોટાદના રોજીદ ગામના તલાટી કમ મંત્રી આશીષ મોદીને રૂ. ૧૦ હજારની લાંચ લેતા રંગેહાથ ઝડપી લીધો હતો.

મળતી વિગતો મુજબ બોટાદ જિલ્લાના બરવાળા તાલુકાના રોજીદ ગામે રહેતા એક ખેડૂતની જમીનના પ્લોટની સરકારી જમીન આકારણી તેમજ પંચાયતના રજીસ્ટ્રેશનમાં આકારણીની એન્ટ્રી કરવા અંગે રોજીદ ગામના તલાટી કમ મંત્રી આશીષકુમાર હસમુખભાઇ મોદીએ શ્રૂા. ૧૦ હજારની લાંચની માંગણી કરી હતી.  આ અંગે ખેડૂતએ ભાવનગર લાંચ રૂશ્વત વિરોધીખાતામાં ફરીયાદ કરતા ભાવનગર એસીબીનાં પી.આઇ. ઝેડ.સી.ચૌહાણ તથા સ્ટાફે રોજીદ ગામે પંચાયત કચેરી ખાતે છટકુ ગોઠવી તલાટી કમ મંત્રી આશીષભાઇ મોદીને રૂ. ૧૦ હજારની લાંચ લેતા રંગેહાથ ઝડપી લઇ ધોરણસરની કાર્યવાહી હાથ ધરી હતી.(૨૧.૧૩)

(10:58 am IST)
  • મમતા બંગાળની ચિંતા કરે, દેશની નહિં: રામ માધવઃ ભાજપ મહાસચિવ રામ માધવે પશ્ચિમ બંગાળના મુખ્યમંત્રી મમતા બેનર્જીને જણાવ્યું કે, તે દેશની નહિં પણ પોતાના રાજ્યની ચિંતા કરે : તેઓએ વધુમાં જણાવ્યું કે, 'ત્રિપુરામાં કોઈ મૂર્તિ તોડવામાં નથી આવી. આ દુષ્પ્રચાર થઈ રહ્યો છે એક ખાનગી સ્થાન પર જેને મૂર્તિ લગાવી, તેને જ દૂર કરી' : તોડફોડ તો બંગાળમાં થઈ રહી છે access_time 3:49 pm IST

  • સસ્પેન્ડેડ IAS અધિકારી પ્રદિપ શર્માની અટકાયતઃ સાબરમતી જેલની બહાર આવતાની સાથે જ અટકાયત : હાઈકોર્ટે હજુ ગઈકાલે જ જામીન આપ્યા હતા : વિદેશમાં હવાલા દ્વારા નાણા મોકલવામાં આવ્યાનો કેસ ચાલી રહ્યો છે access_time 3:49 pm IST

  • એસટી બસનું છેલ્લા બે વર્ષમાં સરકારી કાર્યક્રમોમાં ભારે ઉપયોગ, તેમ છતાં ભાડાની પૂરી રકમ હજુ સુધી ચૂકવાઈ નથી : બે વર્ષમાં ૪૭૦૪૧ બસો દોડાવાઈ : પરંતુ ભાડાપેટાની ૨૨.૭૮ કરોડ જેવી રકમ ચૂકવાઈ નથી access_time 5:53 pm IST