News of Thursday, 8th March 2018

મોરબીમાં આંચકીની બિમારીથી કંટાળીને કોળી આધેડે ફાંસો ખાધોઃ જીવ બચી ગયો

શિવરામભાઇ વરાણીયાને સારવાર માટે રાજકોટ ખસેડાયા

રાજકોટ તા. ૮: મોરબીમાં જુના ઘુંટુ રોડ પર સિલ્વર પાર્કમાં રહેતાં શિવરામભાઇ પોપટભાઇ વરાણીયા (ઉ.૪૫) નામના કોળી આધેડે રાત્રીના કપડા સુકવવાના તાણીયાના એંગલમાં દોરી બાંધી ગળાફાંસો ખાઇ લેતાં પરિવારજનો જાગી જતાં સારવાર માટે રાજકોટ સિવિલ હોસ્પિટલમાં ખસેડ્યા છે.

 

શિવરામભાઇ સિરામીક ફેકટરીમાં નોકરી કરે છે. તે પાંચ ભાઇ અને ચાર બહેનમાં નાના છે અને સંતાનમાં બે પુત્ર છે. દસેક વર્ષથી આંચકીની બિમારી હોઇ દવા કરાવવા છતાં ફરક પડતો ન હોઇ જેથી કંટાળીને આ પગલું ભર્યાનું પરિવારજનોએ જણાવ્યું હતું. હોસ્પિટલ ચોકીના જગુભા ઝાલા અને ધીરેનભાઇ ગઢવીએ મોરબી પોલીસને જાણ કરી હતી.

(10:30 am IST)
  • ઉત્તર પ્રદેશ સમાજવાદી પક્ષના ઉમેદવાર જયા બચ્ચને શુક્રવારે રાજ્યસભા માટે નામાંકન ભર્યું છે. તેમણે વિધાનસભાના સેન્ટ્રલ હોલમાં નોમિનેશન દાખલ કર્યું હતું. આ દરમિયાન સ.પા.ના પ્રમુખ અખિલેશ યાદવના પત્ની સાંસદ શ્રીમતી ડિમ્પલ યાદવ, સ.પા.ના ઉપપ્રમુખ કિરણ મય નંદા, સ.પા.ના રાષ્ટ્રીય સચિવ રાજેન્દ્ર ચૌધરી અને સહારા ગ્રૂપના ચેરમેન સુબ્રતા રોય સહારા પણ હાજર રહ્યા હતા. access_time 8:42 pm IST

  • દેશભરમાં ચકચારી બનેલ આરુષી હત્યા કેસમાં અલાહાબાદ હાઈકોર્ટ દ્વારા તલવાર દંપતીને છોડી મુકવાના આદેશ સામે CBIએ સુપ્રીમ કોર્ટમાં કરી અરજી access_time 9:25 am IST

  • વિડિયોકોન ગ્રુપના ચેરમેન વેણુગોપાલ ધૂત દેશ છોડીને ભાગી ગયા હોવાના રિપોર્ટ વહેતા થયા હતા, જો કે વેણુગોપાલે કહ્યું કે ‘આ માત્ર અફવા છે હું ભારતમાં જ છું અને દેશ છોડીને જવાનો મારો કોઇ ઇરાદો પણ નથી. હું અહ્યાં ખુશ છું અને છેલ્લા 5 વર્ષથી દેશની બહાર ગયો પણ નથી.’ ઉલ્લેખનીય છે કે વિડિયોકોન પર 20,000 કરોડનો કરજો છે. access_time 4:50 pm IST