Gujarati News

Gujarati News

News of Monday, 8th March 2021

સવારે આછી ઝાકળ વરસી, પણ તાપ વધ્યો

રાજકોટ, તા. ૮ :. રાજકોટ સહિત સૌરાષ્ટ્ર-કચ્છમાં ગઈકાલે રવિવારે જોરદાર ઝાકળવર્ષા બાદ આજે આછી ઝાકળ છવાઈ હતી અને સવારથી ધોમધખતા તાપનો અહેસાસ થઈ રહ્યો છે.

છેલ્લા થોડા દિવસોથી મહત્તમ તાપમાનનો પારો ઉંચે ચડતા લોકો પરસેવે રેબઝેબ થઈ રહ્યા છે.

બપોરના સમયે મહત્તમ તાપમાનનો પારો ઉંચે ચડતા અસહ્ય ઉનાળાનો અનુભવ થઈ રહ્યો છે.

બપોરના સમયે સૂર્યનારાયણ આકરા પાણીએ બન્યા હોય તેમ પારો ૩૭ ડિગ્રીને પાર થઈ જતા લોકો પરસેવે રેબઝેબ થઈ ગયા હતા.

રાજકોટમાં કાલે ૨૪ કિ.મી.ની ઝડપે પવન ફુંકાયો હતો. શહેરનું લઘુતમ તાપમાન ૨૧.૨ અને મહત્તમ ૩૭.૬ ડિગ્રી નોંધાયુ હતું. સાંજે હવામાં ભેજનું પ્રમાણ માત્ર ૧૯ ટકા જ રહેવા પામેલ. આ ઉપરાંત અમરેલીમાં તાપમાન ૩૭.૮, કેશોદમાં ૩૫.૨, પોરબંદરમાં ૩૧.૪, વેરાવળમાં ૩૧.૧, દ્વારકામાં ૩૧.૨, ઓખામાં ૩૧.૫, સુરેન્દ્રનગરમાં ૩૭.૮, મહુવામાં ૩૫.૬, દિવમાં ૩૨.૩, ભૂજમાં ૩૫.૦, કંડલામાં ૩૬.૮ ડિગ્રી તાપમાન નોંધાયુ હતું.

જામનગર

(મુકુંદ બદિયાણી દ્વારા) જામનગરઃ શહેરનું મહત્તમ તાપમાન ૩૪.૮, લઘુતમ ૨૧ અને હવામા ભેજ ૯૪ ટકા તથા પવનની ઝડપ ૮.૮ કિ.મી. પ્રતિ કલાક રહી હતી.

(12:11 pm IST)
  • રાજકોટમાં માં અમૃતમ અને મુખ્યમંત્રી માં વાત્સલ્ય કાર્ડની કામગીરી ઠપ્પઃ કર્મચારીની વિજળીક હડતાલ : કોન્ટ્રાકટ બેઝ કર્મચારીઓને ૩ મહિનાથી અનિયમીત અને ઓછો પગાર મળતા ૫ સેન્ટર પર કામગીરી બંધ કરી વિરોધ વ્યકત access_time 11:54 am IST

  • મહારાષ્ટ્રમાં કોરોના આંક ૧૧ હજારને ટપી ગયો, એકલા પુણેમાં કોરોના આંક બે હજારથી વધુ થયો, મુંબઈ અને નાગપુરમાં તેરસો-તેરસો નવા કેસ નોંધાયા: પંજાબમાં ૧ હજાર ઉપર નવા કોરોના કેસ: ગુજરાતમાં આંકડો પોણા છસ્સો ઉપર રહ્યો, ૪ મહાનગરો રાજકોટમાં ૫૮, વડોદરામાં ૭૦, સુરતમાં ૧૨૫ અને અમદાવાદમાં ૧૨૭ કોરોનાના નવા કેસ નોંધાયા: મહારાષ્ટ્ર, કેરળ અને પંજાબ ત્રણ રાજ્યોમાં 14 હજારથી વધુ નવા કેસો access_time 10:23 am IST

  • સુરતની સુપ્રસિદ્ધ ટેક્સટાઈલ માર્કેટમાં કોરોનાનો રાફડો : ૨૨ લોકો ઝપટે ચડી ગયા : માર્કેટમાં મ્યુનિસિપલ કોર્પોરેશન દ્વારા કોરોના ટેસ્ટીંગ કેમ્પ યોજાયેલ જેમાં ઍકી સાથે ૨૨ લોકો સંક્રમિત હોવાનું માલૂમ થતા ખળભળાટ access_time 5:40 pm IST