Gujarati News

સ્રાજકોટ તા. ૮: ધ્રોલ નજીક રાત્રીના અગિયારેક વાગ્યે કાર અને ટ્રક વચ્ચે અકસ્માત સર્જાતા કારમાં બેઠેલા જસદણના વેરાવળ અને મોઢુકાના પાંચ લોકોને ઇજા થઇ હતી.

જાણવા મળ્યા મુજબ ધ્રોલ નજીક હાઇવે પર રાત્રે અકસ્માત સર્જાયાની જાણ થતાં ૧૦૮ અને બીજા લોકો મદદે પહોંચ્યા હતાં. કારમાં બેઠેલા લોકોને ઇજા થઇ હોઇ ધ્રોલ સારવાર અપાવી રાજકોટ સિવિલ હોસ્પિટલમાં ખસેડાયા હતાં. ઇજાગ્રસ્તોમાં જસદણના વેરાવળના વિપુલભાઇ બુધાભાઇ ઝાપડીયા (ઉ.૪૦), નર્મદાબેન વિપુલભાઇ ઝાપડીયા (ઉ.૩૭), મેહુલભાઇ પરષોત્તમભાઇ તલસાણીયા (ઉ.૪૦), વિપુલ માવજીભાઇ સરીયા (ઉ.૨૪) તથા રચના મેહુલભાઇ (ઉ.૪)નો સમાવેશ થાય છે. રાજકોટ હોસ્પિટલ ચોકીના વાલજીભાઇ નિનામાએ ધ્રોલ પોલીસને જાણ કરી હતી.