Gujarati News

મોરબીમાં આધેડ વયના સફાઈ કર્મચારીનું બે શખ્સોએ અપહરણ કરી દુષ્કર્મ આચર્યાના બનાવના ઘેરા પ્રત્યાઘાત પડ્યા છે. ત્યારે આ અંગે મોરબી-માળિયા-ટંકારા-તાલુકા વણકર સમાજ સેવા સમિતિના સભ્યો દ્વારા આરોપીઓને કડકમાં કડક સજા આપવા તથા જરૂર પડીએ આ કેસને ફાસ્ટ ટ્રેક કોર્ટમાં ચલાવવા માટેની માંગ કરી હતી.
આ અંગે અંગે મોરબી-માળિયા-ટંકારા-તાલુકા વણકર સમાજ સેવા સમિતિના પ્રમુખ રામજીભાઈ માલાભાઈ ધાવડાની યાદીમાં જણાવ્યા અનુસાર મોરબીમાં આશરે પાંચ દિવસ પહેલા આધેડ વયના મહિલા સફાઈ કર્મચારી સાથે ઘૃણાસ્પદ કૃત્ય થયું હતું. તેને મોરબી-માળિયા-ટંકારા-તાલુકા વણકર સમાજ સેવા સમિતિ વખોડી કાઢે છે. આ ગંભીર અપરાધના બનાવવામાં આરોપીની ધરપકડ થઈ ગયેલ છે તેને સખતમાં સખત સજા થાય અને આવા આવારા તત્વોને સબક મળે તેવી માંગ મોરબી-માળિયા-ટંકારા-તાલુકા વણકર સમાજ સેવા સમિતિ દ્વારા કરવામાં આવી હતી.
વધુમાં તેમણે જણાવ્યું હતું કે, સંબંધિત તંત્ર અને સરકાર વહેલામાં વહેલી તકે આ કેસનો નિકાલ કરે તે આવશ્યક છે અને એ માટે મોરબી-માળિયા-ટંકારા-તાલુકા વણકર સમાજ સેવા સમિતિ સફાઈકર્મી પીડિતાની સાથે છે અને કોઈપણ સમયે કોઈ પણ પ્રકારની આવશ્યકતા ઉત્પન્ન થશે તો તેઓ મહિલાનો સાથ આપશે તથા આ કેસને ફાસ્ટ ટ્રેક કોર્ટમાં પણ લઈ જવા માટેની તૈયારી દર્શાવશે તેવું તેમણે જણાવ્યું હતું.
આ ઉપરાંત તેમણે એવું પણ કહ્યું હતું કે, અનુસૂચિત જાતિઓ પર વારંવાર આ પ્રકારના બનાવો બની રહ્યા છે. જેથી સમાજ,તંત્ર અને સરકારે આ અંગે કડકમાં કડક કાર્યવાહી કરવી જોઈએ તેવું મોરબી-માળિયા-ટંકારા-તાલુકા વણકર સમાજ સેવા સમિતિના પ્રમુખ રામજીભાઈ માલાભાઈ ધાવડાએ જણાવ્યું હતું.