Gujarati News

Gujarati News

News of Saturday, 6th March 2021

ધ્રોલ જી.એમ.પટેલ કન્યા વિદ્યાલયમાં વિજ્ઞાન દિવસની ઉજવણી

ધ્રોલ : જી.એમ.પટેલ કન્યા વિદ્યાલયમાં 'રાષ્ટ્રીય વિજ્ઞાન દિવસની' ઉજવણી કરવામાં આવી. ગડારા ગીતાબેન અને ગામીત હીનાબેન દ્વારા બ્લેકબોર્ડ વર્ક દ્વારા 'રામન ઇફેકટ' દોરીને સમજુતી આપી. તથા સુંદર રંગોળી દ્વારા વિજ્ઞાનનું મહત્વ સમજાવ્યું. ધોરણ ૧૧-એ સાયન્સની વિદ્યાર્થીનીઓ સોનગરા હીના એન્ડ ગ્રુપ દ્વારા વિજ્ઞાન અને ટેકનોલોજી આધારીત નાટક રજુ કરી ટેકનોલોજીની ઉપયોગીતા સમજાવી. રસાયણ વિજ્ઞાનની પાયાની સંજ્ઞા આધારિત નાટક  ૯-એ ની વિદ્યાર્થીની બહેનો ભીમાણી બંસી એન્ડ ગ્રુપ દ્વારા રજુ કરવામાં આવ્યું. સર ડો. સી.વી.રામણના જીવન ચરિત્ર વિષે સંપૂર્ણ માહિતી વ્યાસ હેતલબેન અને પનારા હસ્તી દ્વારા આપવામાં આવી. સંચાલન શાળાના આચાર્ય વિજયાબેન બોડાના માર્ગદર્શન હેઠળ વ્યાસ હેતલબેન, સોલંકી હર્ષિદાબેન, ધોળકિયા નિશાબેન, મેહતા પારૂલબેન દ્વારા કરવામાં આવ્યું.

(1:35 pm IST)
  • દેશમાં કોરોનાના નવા કેસમાં ઝડપી વધારો : નવા કેસ કરતા રિકવર થનારની ઘટતી સંખ્યા : એક્ટિવ કેસમાં પણ વધારો :રાત્રે 11:30 વાગ્યા સુધીમાં કોરોનાના નવા 18, 684 કેસ નોંધાયા :કુલ કેસની સંખ્યા 1,12,10,580 થઇ :એક્ટિવ કેસ 1,81,664 થયા વધુ 14,338 દર્દીઓ સ્વસ્થ થતા કુલ 1,08,66,536 થયા :વધુ 98 લોકોના મોત સાથે કુલ મૃત્યુઆંક 1,57,791 થયા: દેશમાં સૌથી વધુ મહારાષ્ટ્રમાં નવા 10,187 નવા કેસ નોંધાયા access_time 12:20 am IST

  • બેડમિન્ટન વર્લ્ડ ચેમ્પિયન પીવી સિંધુએ ડેનમાર્કની મિયા બ્લિચફેલ્ડ સામેની સેમિફાઇનલમાં પોતાનો શ્રેષ્ઠ દેખાવ કરીને મેચ જીતી લીધો હતો અને સાથેજ તેણે સ્વિસ ઓપન સુપર 300 ટૂર્નામેન્ટની મહિલા સિંગલ્સ ફાઇનલમાં પ્રવેશ કર્યો હતો. સિંધુએ જાન્યુઆરીમાં યોનેક્સ થાઇલેન્ડ ઓપનમાં પ્રથમ રાઉન્ડની પોતાની હારનો બદલો લેવા માટે ફક્ત 43 મિનિટમાં ચોથી ક્રમાંકિત બ્લિચફેલ્ડને 22-20, 21-10થી હરાવી હતી. access_time 6:42 pm IST

  • ટીમ ઈન્ડિયા ૩૬૫ રનમાં ઓલઆઉટઃ સુંદર (૯૬ રન નોટઆઉટ) સદી ચૂકયો : ૧૫૮ રનની મહત્વની લીડ : અમદાવાદ ટેસ્ટના ત્રીજા દિવસે ભારત ૧૧૪.૪ ઓવરમાં ૩૬૫ રન બનાવી ઓલઆઉટ થયુ છે : સુંદર અને અક્ષર પટેલે શાનદાર બેટીંગનું પ્રદર્શન કરી ભારતને વિનીંગ પોઝીશનમાં લાવી દીધુ છે : કમનસીબે અક્ષર પટેલ ૪૩ રને આઉટ થયા બાદ ઈશાંત અને સિરાજ પણ આઉટ થઈ ગયા હતા : સુંદર સદી ચૂકી જતા નિરાશ થયો હતો તે ૯૬ રને નોટઆઉટ રહ્યો હતો : ઈંગ્લેન્ડના બોલરો સ્ટોકસ ૪, ઍન્ડરસન ૩, લીચને ૨ વિકેટ મળી છે : ભારતને ૧૫૮ રનની મહત્વની લીડ મળી છે access_time 11:35 am IST