Gujarati News

Gujarati News

News of Saturday, 6th March 2021

કચ્છના મુન્દ્રામાં પત્નીના ઓપરેશન માટેના પૈસા તસ્કરો ચોરી ગયા અને મકાનમાં આગ ચાંપી: શરૂઆતમાં ૧૦ થી ૧૫ લાખની ચોરીની ચર્ચા વચ્ચે અંતે દોઢથી પોણા બે લાખની ચોરી થયાની પોલીસ ફરિયાદ

(વિનોદ ગાલા દ્વારા)ભુજ:::: મુન્દ્રામાં બારોઈ રોડ ઉપર આવેલ છેવાડાના વિસ્તાર ખેતરપાળ સોસાયટીમાં થયેલ ચોરીના બનાવ સાથે તસ્કરોએ ઘરમાં આગ ચાંપી ગુનાહિત કૃત્ય કરતાં ચકચાર મચી ગઇ છે. જેમના ઘેર ચોરી થઈ છે એ  એમ. સુધીરકુમાર મુન્દ્રામાં છેલ્લા ૮ વર્ષથી ખાનગી શિપિંગ કંપનીમાં નોકરી કરે છે અને પરિવાર સહિત રહે છે. ચોરીના બનાવ બાદ મુન્દ્રા માં સ્થાનિક મીડિયા સાથે વાત કરતાં એમ. સુધીરકુમારે કહ્યું હતું કે, તેમના પત્નીની સારવાર અર્થે તેઓ ગાંધીધામ હતા અને મકાનનો ખ્યાલ રાખવાનું તેમના સાળા ને કહ્યું હતું. ચોરીના બનાવનો ખ્યાલ તેમના સાળા ઘેર આવ્યા ત્યારે આવ્યો હતો. તસ્કરો તાળા તોડી ચોરી કર્યા બાદ ઘરમાં આગ લગાડી હતી. જે સદ્દનસીબે વધી નહી એટલે ગેસની બોટલ ફાટવા જેવી દુર્ઘટના ટળી અહી નજીકમાં જ ૨૦ જેટલા મકાન પણ આવેલા છે. શરૂઆતમાં મકાન માલિક એમ. સુધીરકુમારે પોતે પત્નીની સારવાર માટે રાખેલ રોકડ અને જ્વેલરી સહિત મોટી રકમની ચોરી થઈ હોવાનું જણાવ્યું હતું. જોકે, મોટી રકમની ચોરીની ચર્ચા અને અવઢવના અંતે સત્તાવાર રીતે એમ. સુધીરકુમારે મુન્દ્રા પોલીસમાં ૫૦ હજાર રોકડ અને ત્રણ તોલા સોનું એમ અંદાજે દોઢ થી પોણા ને લાખ રૂપિયાની ચોરી થઈ હોવાનું જણાવી આ અંગે પોલીસ ફરિયાદ લખાવી છે. ચોરીના બનાવે મુન્દ્રા પંથકમાં ચકચાર સર્જી છે.

(12:38 pm IST)
  • દેશમાં કોરોનાના નવા કેસમાં ઝડપી વધારો : નવા કેસ કરતા રિકવર થનારની ઘટતી સંખ્યા : એક્ટિવ કેસમાં પણ વધારો :રાત્રે 11:30 વાગ્યા સુધીમાં કોરોનાના નવા 18, 684 કેસ નોંધાયા :કુલ કેસની સંખ્યા 1,12,10,580 થઇ :એક્ટિવ કેસ 1,81,664 થયા વધુ 14,338 દર્દીઓ સ્વસ્થ થતા કુલ 1,08,66,536 થયા :વધુ 98 લોકોના મોત સાથે કુલ મૃત્યુઆંક 1,57,791 થયા: દેશમાં સૌથી વધુ મહારાષ્ટ્રમાં નવા 10,187 નવા કેસ નોંધાયા access_time 12:20 am IST

  • બેડમિન્ટન વર્લ્ડ ચેમ્પિયન પીવી સિંધુએ ડેનમાર્કની મિયા બ્લિચફેલ્ડ સામેની સેમિફાઇનલમાં પોતાનો શ્રેષ્ઠ દેખાવ કરીને મેચ જીતી લીધો હતો અને સાથેજ તેણે સ્વિસ ઓપન સુપર 300 ટૂર્નામેન્ટની મહિલા સિંગલ્સ ફાઇનલમાં પ્રવેશ કર્યો હતો. સિંધુએ જાન્યુઆરીમાં યોનેક્સ થાઇલેન્ડ ઓપનમાં પ્રથમ રાઉન્ડની પોતાની હારનો બદલો લેવા માટે ફક્ત 43 મિનિટમાં ચોથી ક્રમાંકિત બ્લિચફેલ્ડને 22-20, 21-10થી હરાવી હતી. access_time 6:42 pm IST

  • 2001 ના રોજ યુએપીએ હેઠળ પ્રતિબંધિત આઉટફિટ સિમીના સભ્ય હોવાના આરોપસર સુરતમાં ધરપકડ કરાયેલા 122 લોકોને ગુજરાત કોર્ટે નિર્દોષ જાહેર કર્યા : કોર્ટનું કહેવું છે કે પ્રોસેક્યુશન 'આકસ્મિક, વિશ્વાસપાત્ર અને સંતોષકારક' પુરાવા રજૂ કરવામાં નિષ્ફળ ગયું છે. access_time 6:04 pm IST