Gujarati News

(મેઘના વિપુલ હીરાણી દ્વારા) ભાવનગર તા. ૬ :.. જેસર તાલુકા પંચાયતમાં ભાજપની બહુમતી હોવા છતાં પ્રમુખપદે આમ આદમી પાર્ટીનાં વિજેતા બેસે તેવો ઘાટ સર્જાયો છે.

તાજેતરમાં યોજાયેલ જેસર તાલુકા પંચાયતની ચૂંટણીમાં કુલ ૧૬ બેઠકો માંથી ભાજપને ૧ર, કોંગ્રેસને એક, અને આમ આદમી પાર્ટી (આપ) ને ત્રણ બેઠકો મળી છે. આમ ભાજપે બહુમતી મેળવી છે પરંતુ પ્રમુખપદ માટે શીડયુલ્ડ કાસ્ટ માટેની અનામત હોવાથી અને ભાજપમાંથી એકપણ ઉમેદવાર શીડયુલ્ડ કાસ્ટનો ચૂંટાયો નથી. જયારે આપમાંથી અતુલકુમાર ભીખાભાઇ નૈયારણ શીડયુલ્ડમાંથી ચૂંટાયા છે. આથી બહુમતી છતા ભાજપનો નહિ પરંતુ આપ નો વિજેતા ઉમેદવાર પ્રમુખપદે બેસે તેવી શકયતા છે.