Gujarati News

મોરબી,તા. ૫: ગુજરાત જાહેર સેવા આયોગ દ્વારા રાજય વેરા નિરીક્ષક વર્ગ-૩ની પરીક્ષા આગામી તા.૭મી માર્ચ-૨૦૨૧ના લેવાનાર છે ત્‍યારે અધિક જીલ્લા મેજીસ્‍ટ્રેટ,ﾠકેતન પી. જોષી દ્વારા પરીક્ષા કેન્‍દ્રના સ્‍થળ તથા તેની આજુબાજુના વિસ્‍તારમાં સલામતીની વ્‍યવસ્‍થા ગોઠવવા જાહેરનામુ બહાર પાડ્‍યું છે.

જાહેરનામા અનુસાર મોરબી ખાતે રાજય વેરા નિરિક્ષક,ﾠવર્ગ-૩ની જગ્‍યાઓ પર ભરતી માટે પ્રિલિમિનરી પરીક્ષા માટે જાહેર કરવામાં આવેલ પરીક્ષા કેન્‍દ્રોની આસપાસના ૧૦૦ મીટર (સો મીટર) ના વિસ્‍તારમાં તા.૦૭ રવિવારના રોજ પરીક્ષા સમય ૧૧:૦૦ થી ૦૧:૦૦ કલાક સુધી ચાર કરતાં વધુ વ્‍યકિતઓએ એકત્રીત થવું નહી અથવા કોઈ સભા ભરવી નહી કે કોઈ સરઘસ કાઢવું નહીં તેમજ પરીક્ષા સ્‍થળે મોબાઈલ ફોન,ﾠલેપટોપ,ﾠટેબ્‍લેટ,ﾠકેલ્‍કયુલેટર વાળી ઘડીયાળ તેમજ કોઈપણ પ્રકારના ઈલેકટ્રોનીકસ ઉપકરણો લઈ જવા નહી તેમજ નિર્દીષ્ટ વિસ્‍તારની આસપાસ ઝેરોક્ષ અથવા લીથો કે અન્‍ય કોઈ રીતે પરીક્ષા કાર્યમાં ગેરરીતિ કરવા કોપીંગ વગેરે ગેરકાયદેસર કૃત્‍ય કરવા પર નિયંત્રણ લાદવામાં આવ્‍યા છે. રાજય વેરા નિરિક્ષકની જગ્‍યાઓ માટેની પ્રિલિમિનરી પરીક્ષા મોરબી શ્રી એસ.વી.પટેલ કન્‍યા વિદ્યાલય,ﾠનવા બસ સ્‍ટેશન પાછળ,ﾠકન્‍યા છાત્રાલય કેમ્‍પસ,ﾠ ડી.જે.પટેલ કન્‍યા વિદ્યાલય,ﾠનવા બસ સ્‍ટેશન પાછળ,ﾠકન્‍યા છાત્રાલય કેમ્‍પસ,ﾠનવયુગ વિદ્યાલય,ﾠનવા બસ સ્‍ટેશન પાછળ,ﾠશનાળા રોડ,ﾠધી વી.સી.ટેક હાઇસ્‍કુલ,ﾠવી.સી.ફાટક પાસે,ﾠનિલકંઠ વિદ્યાલય,ﾠરવાપર રોડ,ﾠનિર્મળ વિદ્યાલય,ﾠશિવપાર્ક સોસાયટી,ﾠરવાપર કેનાલ રોડ,ﾠﾠસાર્થક વિદ્યાલય,ﾠએલ.ઈ.કોલેજ રોડ,ﾠકેશર બાગ સામે,ﾠઉમા વિદ્યા સંકુલ,ﾠઉમા ટાઉનશીપ,ﾠધરમપુર રોડ,ﾠસર્કિટ હાઉસ પાસે,ﾠસેન્‍ટ મેરી સ્‍કુલ,ﾠનવલખી રોડ,ﾠદોશી એમ.એસ.એન્‍ડ ડાભી એન.આર. હાઈસ્‍કુલ,ﾠમહાવીર નગર,ﾠપંચાસર ચોકડી પાસે,ﾠબાય પાસ રોડ,ﾠસહિતના સ્‍થાનો પર લેવામાં આવશે જયાં આ જાહેરનામાનું પાલન કરવાનું રહેશે. આ હુકમનો ભંગ અથવા ઉલ્લંઘન કરનાર ભારતના ફોજદારી અધિનિયમની કલમ-૧૮૮ હેઠળ શિક્ષાપાત્ર થશે. તેમ યાદીમાં જણાવાયું છે.