Gujarati News

રાજકોટ તા.૪: રાજકોટ સહિત સૌરાષ્ટ્ર-કચ્છમાં કડકડતી ઠંડીનો માહોલ યથાવત છે અને લોકો ઠંડીમાં ઠુંઠવાઇ રહ્યા છે ત્યારે આજે સૌથી વધુ ઠંડી ગિરનાર પર્વત ઉપર ૫.૫ ડિગ્રી, નલીયા ૬.૬, ગાંધીનગર ૯.૫, જામનગર ૧૦.૨ ડિગ્રી, રાજકોટ ૧૨.૩ ડિગ્રી, લઘુતમ તાપમાન નોંધાયુ છે.

છેલ્લા બે-આચર દિવસથી લઘુતમ તાપમાનના પારો સતત નીચે ઉતરી રહ્યો છે.જેના કારણે  મોડી રાત્રીના અને વહેલી સવારના સમયે ઠંડીની વધુ અસર અનુભવાઇ રહી છે.

જુનાગઢ

જુનાગઢઃ સોરઠમાં કાતિલ ઠંડીનો મણ મુકી છે. જુનાગઢના ગિરનાર પર્વત ખાતે આજનું તાપમાન પ.૫ ડિગ્રી રહ્યુ છે

સપ્તાહના પ્રારંભથી ઠંડીનું મોજુ શરૂ થયુ છે મંગળવારે સોરઠમાં ૮.૫ ડીગ્રી હાડ થીજાવતી ઠંડી બાદ છેલ્લા બે દિવસમાં તાપમાનમાં રહેજ વધારો થયો છે. આજે જુનાગઢનું લઘુતમ તાપમાન ૧૦.૫ ડિગ્રી રહેતા ઠંડીએ બોકાસો લોલાવ્યો હતો.ઠંડીની સાથે વાતાવરણમાં ભેજનું પ્રમાણ ૮૧ ટકા રહેતા વહેલી સવારથી ધુમ્મસનું આક્રમણ થતા ઠંડીની તીવ્રતા વધી રહી સવારે ૫વનની પ્રતિ કલાકની ઝડપ ૨.૧ કિમીની રહી હતી.જુનાગના ગિનાર અને દાતાર પર્વત ખાતે ૫.૫ ડીગ્રી  તાપમાન રહેતા ગાત્રો થીજાવતી ઠંડી અનુભવાઇ છે. યાત્રિકો ઠુઠવાઇ ગયા હતા.જંગલમાં ઉપર આભ અને ધરતી વચ્ચે રહેતા પશુ, પક્ષીઓ પંખી સહિતના અલોલ જીવો પણ કાતિલ ઠંડીથી મુશ્કેલીમાં મુકાયા છે.

જામનગર

જામનગરઃ શહેરનું તાપમાન ૨૫.૮ મહત્તમ, ૧૦.૨ લઘુતમ, ૮૧ ટકા વાતાવરણમાં ભેજનું પ્રમાણ અને ઝડપ રહી હતી.