Gujarati News

Gujarati News

News of Wednesday, 3rd January 2018

જામકંડોરણા રાજપુત સમાજ દ્વારા ધારાસભ્ય ગીતાબા જાડેજાનો સન્માન સમારંભ યોજાયો : દાનકુંભ સ્વાભિમાનનું સેવા સન્માન

જામકંડોરણા : રાજપુત સમાજ તથા રાજપુત યુવા સમાજ દ્વારા ગોંડલ વિધાનસભાની ક્ષેત્રીય સમાજના સૌરાષ્ટ્રના પ્રથમ મહિલા ધારાસભ્ય ગીતાબા જાડેજાનો સન્માન સમારંભ તથા દાનકુંભ સ્વાભિમાન સેવા કાર્યક્રમ યોજાયો હતો. સ્વાગત પ્રવચન તાલુકા પંચાયતના સદસ્ય દિગુભા જાડેજાએ કરેલ હતી. રાજપુત સમાજના પ્રમુખ  તેજુભા જાડેજાએ પ્રવચનમાં જણાવેલ કે તાલુકામાં સમાજની બંને સંસ્થા એક ટેબલ પર કામ કરે છે. યુવા ટીમ અમારા માર્ગદર્શન નીચે કામ કરે છે જેથી યુવાનોને સહકાર આપવા અપીલ કરેલ. રાજપુત યુવા સમાજના પ્રમુખ પ્રદયુમનસિંહ જાડેજાએ દાનકુંભ વિશે માહીતી આપી હતી. તેમજ જામકંડોરણા તાલુકા પંચાયતના પ્રમુખ પ્રતિપાલસિંહ જાડેજાએ પ્રાસંગિક પ્રવચનમાં જણાવેલ કે દાનકુંભમાં સાચા અર્થમાં ભાગીદાર બહેનો છે. ધારાસભ્ય ગીતાબા જાડેજાએ જણાવેલ કે દાનકુંભએ છલકાવવા બદલ માતાઓ દિકરીઓને ધન્યવાદ પાઠવું છું લાલબાપુએ દીપ પ્રગટાવ્યો છે તો આપણે દિવેલ પુરવાનું છે દિવેલ પુરતા રહીશું તો દિપ કાયમ જલતો રહેશે સમાજના યુવાનોને ધન્યવાદ આપુ છુ અને માતાજીને પ્રાર્થના કરીએ કે સમાજના યુવાનોને બળ આપે અને મને સમાજે જે સહકાર આપેલ છે તે બદલ દરેકનો આભાર માનું છું. ધારાસભ્ય શ્રી ગીતાબા જાડેજાના હસ્તે દીપ પ્રાગ્ટય કરી શરૂ કરવામાં આવેલ  તેમજ વિધવા સહાય કીટનું લોન્ચીંગ ગીતાબા જાડેજાના હસ્તે કરવામાં આવેલ  આ કાર્યક્રમમાં તાલુકા ભાજપ પ્રમુખ, ચંદુભા ચૌહાણ, સમાજના પ્રમુખ તેજુભા જાડેજા, યુવા પ્રમુખ પ્રદયુમનસિંહ જાડેજા, તાલુકા પંચાયતના સદસ્ય દિગુભા જાડેજા, તાલુકા પંચાયતના પ્રમુખ પ્રતિપાલસિંહ જાડેજા સહિતના તાલુકાભરના સમાજના આગેવાનો, સમાજના ભાઇઓ તેમજ  વિશાળ સંખ્યામાં બહેનો એ હાજરી આપી હતી અને ગીતાબા જાડેજાનું સન્માન કર્યુ હતુ.

(11:17 am IST)
  • લોકસભામાં એક લેખિત જવાબમાં, રેલવેના રાજ્ય પ્રધાન રાજન ગોહૈને જણાવ્યું હતું કે ટિકિટ બુકિંગ માટે આધાર નંબર ફરજિયાત બનાવવા માટે કોઈ દરખાસ્ત નથી. જો કે, 1 જાન્યુઆરી, 2017થી વરિષ્ઠ નાગરિકો માટે રાહતભાવની રેલવે ટિકિટોના બુકિંગ માટે આધાર નમ્બરની નોંધણી સ્વૈચ્છિક ધોરણે રજૂ કરવામાં આવી છે. access_time 10:00 am IST

  • હાલની પરિસ્થિતિ જોતા ગુજરાત ભાજપના પ્રભારી શ્રી ભુપેન્દ્ર યાદવ બદલાય તેવી સેવાય રહેલી શક્યતા : ભાજપ હાઈકમાન્ડે પ્રભારી બદલવાનું મન બનાવી લીધું હોવાની થઇ રહેલી ચર્ચા : હાલ શ્રી યાદવને કર્ણાટકની ચૂંટણીની જવાબદારી સોંપાઈ છે. access_time 4:21 pm IST

  • દિલ્હીમાં સતત બીજા દિવસે ધુમ્મસનું સામ્રાજયઃ આવતી-જતી ૧૨ ટ્રેન રદઃ ૪૯ ટ્રેન તથા ૨૦ ફલાઇટ મોડી access_time 11:24 am IST