Gujarati News

(હેમેન્દ્રકુમાર પારેખ દ્વારા) પોરબંદર , તા., ૩: પોરબંદર-છાંયા નગર પાલીકાના ૧૩ વોર્ડની પર બેઠકોની ચુંટણીમાં ૪પ બેઠકો ઉપર ભાજપની જીત થઇ છે. ૭ બેઠકો કોંગ્રેસનેમળી છે.

પોરબંદર છાયામાં ૧૩ વોર્ડની પર બેઠકમાંથી ૪પ બેઠક ભાજપને જયારે ૭ બેઠક કોંગ્રેસને મળી છ. વોર્ડ નં. ૧ માં જીલ્લા યુવા ભાજપ પ્રમુખ અજય બાપોદરાના ભાઇ વિજયભાઇ બાપોદરા કોંગ્રેસમાં જોડાતા કોંગ્રેસે તેને વોર્ડ નં. ૧ માંથી ટીકીટ આપી હતી. જયારે ભાજપ દ્વારા અજયભાઇ બાપોદરાના પત્ની અને કોંગી ઉમેદવાર વિજયભાઇના ભાભી પાયલબેનને ટીકીટ આપવામાં આવી હતી. દિયર ભાભી વચ્ચેના આ ચુંટણી જંગમાં ભાભી પાયલબેનને પ૭૪૧ મત મળ્યા હતા. જયારે દિયર વિજયભાઇને ર૧૩પ મત મળતા તેમની હાર થઇ હતી તો વોર્ડ નં. ૪ માંથી જીલ્લા કોંગ્રેસ સમીતીના પ્રમુખ નાથાભાઇ ઓડેદરા તથા વોર્ડ નં. ૩માંથી પાલીકાના પુર્વ વિપક્ષી નેતા જીતુભાઇ આગઠની પણ હાર થઇ છે એ સિવાય વોર્ડ નં. ૩ માં કોંગી અગ્રણી કેશુભાઇના પ્રથમ પત્ની ભાજપ અને બીજા પત્ની કોંગ્રેસમાંથી લડતા હતા જેમાં પ્રથમ પત્ની ઉષાબેનને ૪પ૭૪ મત મળ્યા હતા. જયારે બીજા પત્ની શાંતીબેનને ૧૦૧૭ મત મળ્યા હતા. પ્રથમ પત્નીની જીત થઇ હતી.

ભાજપમાં ટીકીટ ન મળતા બળવો કરી આપમાંથી ચુંટણી લડનાર જીવાભાઇ ભુતીયા સહીતના આપના ચારેય ઉમેદવારોની હાર થઇ હતી જો કે જીવાભાઇની માત્ર ૧પ મતે જ હાર થઇ હતી. (૪.૭)