News of Saturday, 3rd February 2018

ગોંડલમાં બંધ મકાનમાંથી ૫ લાખની મત્તાની ચોરી

અકસ્માતમાં ઘાયલ અને રાજકોટ હોસ્પિટલમાં દાખલ પાલિકાના કર્મચારી જગદીશસિંહ જાડેજાનું ઘર તસ્કરો સાફ કરી ગયા

ગોંડલ તા. ૩ :  શહેરના શિવનગરમાં બંધ મકાનમાં તસ્કરોએ પરોણા કરી અકસ્માતમાં ઘાયલ એવા નગરપાલિકાના કર્મચારીના ઘરમાં હાથફેરો કરી રૂપિયા પાંચ લાખના મુદ્દામાલની ચોરી કરી જતાં સિટી પોલીસમાં ફરિયાદ નોંધાવા પામી છે

પ્રાપ્ત વિગતો મુજબ ગોંડલના શિવ નગર સોસાયટીમાં રહેતા અને નગરપાલિકામાં રોજમદાર તરીકે ફરજ બજાવતા જગદીશસિંહ અજીતસિંહ જાડેજાના ઘરમાં ગત રાત્રીના તસ્કરોએ પરોણા કરી કબાટમાં રાખેલ સોના-ચાંદીના દાગીના તેમજ રોકડા રૂપિયા ૧૦,૦૦૦ મળી કુલ રૂ પાંચ લાખ ના મુદ્દામાલની ચોરી કરી જતા સિટી પોલીસમાં ફરિયાદ નોંધાવા પામી છે.ઘટનાના ફરિયાદી મયર સિંહ ચુડાસમાએ જણાવ્યું હતું કે તેઓનામાં જગદીશસિંહ ગત શનિવારના મોવૈયા ગામે હજરત પીર બાપુના મંદિરે ચાલીને દર્શન કરવા જઈ રહ્યાં હોય કોઈ અજાણ્યા વાહને અડફેટે લેતાં તેઓ ગંભીર રીતે ઘવાતા તેઓને રાજકોટ હોકાટ હોસ્પિટલના આઈસીયુમાં દાખલ કરવામાં આવ્યા છે સમગ્ર પરિવાર ત્યાં સારવારમાં હોય તસ્કરોએ બંધ મકાનમાં ત્રાટકી ઘર સાફ કરી ગયા હતા.અત્રે ઉલ્લેખનીય છે કે પોલીસની ઢીલી નીતિના કારણે શહેરમાં તસ્કરોને ચોરી કરવા મોકળું મેદાન મળી ગયું છે રોજબરોજ અનેક ચોરીની ઘટના બની રહી છે પોલીસ તેની ખાખીની બતાવે તેવી માંગ ઉઠવા પામી છે.

(11:51 am IST)
  • ગયા વર્ષે યોજાયેલી ગોવામાં વિધાનસભા ચૂંટણીઓ દરમિયાન દિલ્હી મુખ્યમંત્રી અરવિંદ કેજરીવાલની લાંચ સંબંધીત ટિપ્પણીના આક્ષેપો અંગેના કેસમાં તેમના વિરુદ્ધ નોંધાયેલ મામલામાં નોટિસ ફટકારાઇ છે. 8 ફેબ્રુઆરીના રોજ આ બાબત પરની આગામી સુનાવણી થશે. કેજરીવાલે જાહેરમાં મતદારોને ગોવા ચૂંટણીઓ દરમિયાન વિપક્ષી દળો દ્વારા મતદાનના બદલામાં આપવામાં આવતી કથીત લાંચ લઈ લેવાની અપીલ કરી હતી. access_time 12:59 am IST

  • અમદાવાદના ચાણકય બ્રીજ પાસે મારૂતિ વાન ભળભળ સળગી : કોઈ જાનહાની નથી access_time 5:54 pm IST

  • 'ઓલ ઈન્ડિયા મુસ્લિમ પર્સનલ લો બોર્ડ' (AIMPLB)નાં 'મોડલ નિકાહનામાં' માં નિકાહ દરમિયાન પતી દ્વારા પોતાની પત્નીને ભવિષ્યમાં ક્યારેય એક સાથે ત્રણ તલ્લાક નહી દયે તેવું લેખિતમાં સોગંધ લેવાની જોગવાઈ ઉમેરવાની જોરશોરથી ચર્ચાઓ ચાલી રહી છે. ૯ ફેબ્રુઆરીએ હેદરાબાદમાં શરૂ થનારી બેઠકમાં આ સુધારેલા મોડેલ નિકાહનામાં પર વિચાર-વિમર્શ થશે. access_time 12:57 am IST