Gujarati News

Gujarati News

News of Saturday, 3rd February 2018

ગીર-સોમનાથ જિલ્લાના લશ્કરી ભરતી મેળામાં જોડાવા ઇચ્છતા યુવાનોને નિવાસી તાલીમ અપાશે

ગીર સોમનાથ તા. ૩ :  આગામી તા.૨૬/૪/૨૦૧૮ થી તા. ૫/૫/૨૦૧૮ સુધી સૌરાષ્ટ્ર યુનિવર્સીટી ગ્રાઉન્ડ- રાજકોટ ખાતે આયોજિત લશ્કરી ભરતી મેળા પૂર્વેના નિવાસી તાલીમ વર્ગનું ગીર સોમનાથ જિલ્લાના ઉમેદવારો માટે આયોજન કરવામાં આવેલ છે.

આ તાલીમ ૩૦ દિવસની રહશે. જેમાં ઉમેદવારને રહેવા જમવા તથા તાલીમ (શારીરિક અને લેખિત પરીક્ષા) સુવિધા ઉપરાંત સરકારના નિયમ મુજબ સ્ટાઇપેંડ ચુકવવામાં આવશે.તા. ૨૫/૨/૨૦૧૮ થી તા ૧૦/૪/૨૦૧૮ સુધી  ઓનલાઈન અરજી www.joinindianarmy.nic.in પર કરવાની રહેશે. નિવાસી તાલીમમાં જોડવા ઈચ્છતા ઉમેદવારોએ ગીર સોમનાથ જિલ્લા રોજગાર કચેરી વેરાવળ ખાતે નિયત ફોર્મમાં અરજી કરવાની રહેશે.

આ તાલીમમાં ઉમેદવારની સંખ્યા મર્યાદિત હોવાથી રોજગાર કચેરી દ્વારા શારીરિક કસોટી પાસ કર્યા પછી પસંદ કરવામાં આવશે.  ઉમર ૧૭.૫ વર્ષ થી ૨૧ વર્ષ  શૈક્ષણિક લાયકાત  ધોરણ ૧૦ અને ૧૨ પાસ (૪૫%) સાથે ઉચાઈ ૧૬૮ સેમી હોવાની સાથે છાતી ૭૭/૮૨ હોવી જોઈએ. લશ્કરી ભરતી માટે ઉપયોગી શારીરિક તેમજ લેખિત પરીક્ષાલક્ષી અને નિવાસી  તાલીમનું આયોજન      કરી શકે તેવી આવી તાલીમ આપવા રસ ધરાવતી એકેડેમિક સંસ્થા/  ટ્યુશન કલાસ કે સ્પર્ધાત્મક પરીક્ષા તૈયારી કરાવતી સંસ્થાઓ રોજગાર કચેરીનો સંપર્ક કરવા જિલ્લા રોજગાર અધિકારીશ્રી ગીર સોમનાથની યાદીમાં જણાવાયું છે.

(11:48 am IST)
  • ઉત્તર-પશ્ચિમ પાકિસ્તાનના સ્વાત જિલ્લામાં લશ્કરી ચેકપૉઇન્ટમાં એક ભયંકર આત્મઘાતી હુમલામાં ઓછામાં ઓછા 11 પાકિસ્તાની સૈનિકો માર્યા ગયા છે અને 13 લોકો ઘાયલ થયા છે : આ હુમલાની જવાબદારી તેહરિક-એ-તાલીબાન આતંકી સંગઠને લીધી છે. access_time 1:19 am IST

  • કાલનો બૂથ ઉપરનો મતદાર યાદી કાર્યક્રમ કેન્સલ કરતું ચૂંટણી પંચ હવે ૧૧ મીના રવિવારે ખાસ ઝૂંબેશઃ આવતીકાલનો બૂથ ઉપર મતદાર યાદી સુધારણા કાર્યક્રમ-ગ્રામ પંચાયત ચૂંટણી સંદર્ભે કેન્સલઃ હવે ૧૧ મીએ રાજકોટ શહેર-જીલ્લાના ર૧પ૮ મતદાન મથકો ઉપર સવારે ૧૦ થી સાંજે ૬ સુધી બીએલઓ દ્વારા ફોર્મ અપાશેઃ સ્વીકારાશેઃ આજ સુધીમાં ૧ર હજાર જેટલા નવા ફોર્મ ભરાયા access_time 12:01 pm IST

  • રાજસ્થાન – મધ્યપ્રદેશ - ગુજરાતમાં પણ રિલિઝ થશે 'પદ્માવત': કરણી સેના તૈયારઃ મુંબઇઃ દુનિયાભરમાં બમ્પર કમાણી કરી રહેલી પદ્માવત હવે જયાં કરણી સેનાનો વિરોધ છે ત્યાં પણ રિલીઝ થશેઃ આ પ્રકારના સંકેતો સ્વયં શ્રી રાષ્ટ્રીય રાજપુત કરણી સેનાએ આપ્યો છેઃ એટલુ જ નહિ કરણી સેના તરફથી ભણસાલી પ્રોડકશનને ભરોસો અપાયો છે કે અમે રાજસ્થાન, મધ્યપ્રદેશ, ગુજરાતમાં વિરોધ નહી કરીએઃ આ બધુ કરણી સેનાએ એક પત્રના માધ્યમથી કહ્યુ છે access_time 11:57 am IST