Gujarati News

દ્વારકાઃ પૂર્ણિમાની સાથોસાથ ચંદ્રગ્રહણ પણ હોય દ્વારકાની પવિત્ર ગોમતી નદીમાં સ્નાનનો હજારો ભાવિકોએ લાભ લીધો હતો. સામાન્યતઃ દર માસની પૂર્ણિમા ભરવા દ્વારકા આવતા ભાવિકો પુણ્યસ્નાનનો લાભ લે છે. આ વખતે પૂર્ણિમા ઉપરાંત ચંદ્રગ્રહણ પણ હોય જેના કારણે સવારે લગભગ ચાર વાગ્યાથી જ પવિત્ર ગોમતી ઘાટ પર ભાવિકો સ્નાનાર્થે આવવા લાગ્યા હતા અને બપોર સુધીમાં બહોળી સંખ્યામાં ભાવિકોએ પવિત્ર ગોમતી નદીમાં સ્નાન કરી પુણ્યનું ભાથું બાંધ્યું હતું અને ત્યારબાદ જ દ્વારકાધીશના ત્રૈલોકય સુંદર મંદિરમાં દર્શન કર્યા હતા. ગ્રહણ નિમિત્તે દ્વારકાના જગત મંદિરનો નિત્યક્રમ પણ બપોરે ૪ વાગ્યા સુધીમાં પૂર્ણ કરાયો હતો અને બેટ દ્વારકામાં પણ ૪.૧૫ વાગ્યાથી સંધ્યાક્રમ પૂર્ણ થયો હતો. (તસ્વીર - અહેવાલ : વિનુભાઇ સામાણી, દ્વારકા)