વોર્ડ નં.૧૦ માં ધન્વંતરી રથના માધ્યમથી ડોર ટુ ડોર લોકોનું સ્કેનીંગ
વોર્ડ નં.૧૦માં શહેર મહીલા મોરચાના પ્રભારી અંજલીબેન રૂપાણીના માર્ગદર્શન હેઠળ વોર્ડની તમામ સોસાયટીઓમાં રેપીડ ટેસ્ટ કરી દવા તથા ઉકાળાનું વિતરણ કરવામાં આવે તેવું આયોજન કરવામાં આવ્યું છે વોર્ડ નં.૧૦ ની ગુંજનપાર્ક, પુષ્કરધામ, આલાપ એવન્યુ, આલાપ સેન્ચુરી, શ્યામપાર્ક, શિલ્પન રેસીડેન્સી, ક્રિષ્નાપાર્ક, શિવધામ, ચિત્રકુટધામ, એ.જી.સોસાયટી, સદ્દગુરૂનગર, પારીજાત સોસાયટી, વિષ્ણુવિહાર, કેવલમ્ સોસાયટી, રૂરલ હાઉસીંગ બોર્ડ, જીવનનગર, સહીતની સોસાયટીઓમાં ધન્વંતરી રથ સાથે આરોગ્ય ટીમે લોકોના રેપીડ ટેસ્ટ કરી દવા તથા ઉકાળાનું વિતરણ કર્યું હતું. ભાજપના કોર્પોરેટર અશ્વિનભાઇ ભોરણીયા, જયોત્સનાબેન ટીલાળા, પૂર્વ કોર્પોરેટર પરેશભાઇ હુંબલ, વોર્ડ પ્રમુખ રજનીભાઇ ગોલ, મહામંત્રી હરેશભાઇ કાનાણી, પરેશભાઇ તન્ના, શહેર ઉપાધ્યક્ષ સંગીતાબેન છાયા, સહીતની ભાજપના કાર્યકરોની ફોજ વિવિધ સોસાયટીઓમાં ધન્વંતરી રથ સાથે ફરી મદદરૂપ થઇ રહ્યા છે.