રાજકોટમાં ડીએચએલના સર્વિસ સેન્ટરનો પ્રારંભ
અમદામાદઃ રાજકોટમાં તેનું સર્વિસ સેન્ટર શરૂ કરવામાં આવ્યું હતું. ગુજરાતમાં તેનું આ ચોથું સર્વિસ સેન્ટર છે, જે સાથે રાજયમાં કંપનીની નેટવર્ક ક્ષમતાઓ ઓર વધી છે. સૌરાષ્ટ્રમાં ૨૫૧૮ ચોરસફૂટનું એકમ ગુજરાતમાં આંતરાષ્ટ્રીય એકસપ્રેસ સેવાઓ માટે વધતી માગણીને ટેકો આપશે. તેનું ઉદઘાટન ડીએચએલ એકસપ્રેસ ઈન્ડિયાના કન્ટ્રી મેનેજર આર એસ સુબ્રમણિયન અને જ્યોતિ સીએનસી ઓટોમેશન લિ. રાજકોટના સીએમડી પી.જી.જાડેજાને હસ્તે કરાશે.
આ અવસરે ડીએચએલ એકસપ્રેસ ઈન્ડિયાના કન્ટ્રી મેનેજર આર એસ સુબ્રમણિયને જણાવ્યું હતું કે રાજકોટમાં અમે સર્વિસ સેન્ટર સ્થાપીને અમારા ગ્રાહકોની વધતી વેપારની જરૂરતોને ટેકો આપવા માટે અમારી નેટવર્ક ભમતાઓને મજબૂત બનાવવાની દિશામાં મોટું પગલું ભર્યું છે. રાજકોટ સાથે અમે એશિયામાં સૌથી વિશાળ ઓટોમોબાઈલ ઝોન્સમાંથી એક બનવા માટે સુસજ્જ છીએ અને જામનગર તથા મોરબીથી નિકાસ વધશે, જેને લીધે આ એકમ શરૂ થવાથી વૈશ્વિક બજારમાં ગુજરાત સાથે જોડાણની અમારી કટિબદ્ધતા પર વધુ ભાર અપાશે.