રાજકોટ
News of Saturday, 13th January 2018

જાગનાથમાં દિનેશભાઇ ચાવડાએ ગળા અને હાથ પર છરીથી કાપા મારી લીધા

રજપૂત યુવાન બિમારીથી કંટાળી જતાં પગલું ભર્યુઃ સારવારમાં

રાજકોટ તા. ૧૩: યાજ્ઞિક રોડ પર ઇમ્પિરીયલ પેલેસ હોટેલ સામે જાગનાથ પ્લોટ-૬/૧૪ના ખુણે રહેતાં અને ડાઇ બનાવવાની મજૂરી કરતાં દિનેશભાઇ શિવુભાઇ ચાવડા (ઉ.૪૨) નામના રજપૂત યુવાને રાત્રે પોતાના રૂમમાં ગળા પર તથા હાથ પર છરી કે કોઇ તિક્ષ્ણ વસ્તુથી કાપા મારી દેતાં સારવાર માટે સિવિલ હોસ્પિટલમાં દાખલ કરાયા છે.

દિનેશભાઇને સંતાનમાં એક પુત્ર અને એક પુત્રી છે. પરિવારજનોએ કહ્યું હતું કે દિનેશભાઇ કેટલાક મહિનાથી સતત બિમાર રહે છે. દવા-સારવાર કરાવવા છતાં સારુ થતું ન હોઇ કંટાળી ગયા હતાં. રાત્રે દિકરી તેને જ્યુસ બનાવવું છે કે કેમ? તે પુછવા રૂમમાં ગઇ ત્યારે લોહીલુહાણ મળતાં તાકીદે હોસ્પિટલમાં ખસેડાયા હતાં. હોસ્પિટલ ચોકીના જગુભા ઝાલા અને રવિભાઇ ગઢવીએ પ્ર.નગર પોલીસને જાણ કરી હતી.

(1:05 pm IST)