નગરપાલિકા મહાનગરપાલિકા અને મહાનગરપાલિકાને મેગાસીટી બનાવીશું : ધનસુખ ભંડેરી

ગુજરાત મ્યુ. ફાઇનાન્સ બોર્ડ દ્વારા ૧૬૨ નગરપાલિકાના ૩૨ જિલ્લાના મ્યુ. અધિકારીઓ સાથે બેઠક : વિકાસ કામોને વેગ આપવા થઇ સમીક્ષા

રાજકોટ : રાજયની ૧૬૨ નગરપાલિકા તથા ૮ મહાનગરપાલિકામાં ગુજરાત મ્યુ. ફાઇનાન્સ બોર્ડના માધ્યમથી કરોડો રૂપિયાની ગ્રાન્ટ ફાળવી પ્રથમિક સુધિઓ ઉપરાંત અન્ય સુવિધાઓ આપવામાં આવી રહી છે. ત્યારે ગુજરાત મ્યુ. ફાઇનાન્સ બોર્ડના ચેરમેન તરીકે ધનસુખ ભંડેરીએ બીજી વખત જવાબદારી સંભાળ્યા બાદ ગાંધીનગર ખાતે રાજયની ૧૬૨ નગરપાલિકાના ૩૨ જિલ્લા મ્યુ. અધિકારીઓ સાથે પ્રથમ સમીક્ષા બેઠક યોજી હતી. બેઠકમાં સ્વર્ણીમ જયંતિ મુખ્યમંત્રી સ્વાવલંબન યોજના અંતર્ગત વિકાસ કાર્યોના ખાતમુહુર્ત અને લોકાર્પણ તેમજ નાણાપંચની ગ્રાન્ટ, વાજપેયી નગરવિકાસ યોજના, મનોરંજન કર ગ્રાન્ટ યોજના, પ્રોફેશ્નલ ટેકસ ગ્રાન્ટ, વાજપેયી નગરવિકાસ યોજના, મનોરંજન કર ગ્રાન્ટ યોજના, પ્રોફેશ્નલ ટેકસ ગ્રાન્ટ, વાજપેયી નગરવિકાસ યોજના, મનોરંજન કર ગ્રાન્ટ યોજના, પ્રોફેશ્નલ ટેકસ ગ્રાન્ટ તેમજ તમામ યોજનાકીય ગ્રાન્ટ તેમજ તળાવો ઉંડા કરવા, બ્યુટીફીકેશન કરવા, રાષ્ટ્રીય તહેવારોની ઉજવણી, સેવાસદનના બાંધકામ અને રીનોવેશનના કામો અંગે આ બેઠકમાં સમીક્ષા કરવામાં આવી હતી. યોજનાઓના માધ્યમથી નગરપાલિકાઓને મહાનગરપાલિકા અને મહાનગરપાલિકાઓને મેગાસીટી બનાવવા પ્રયાસ કરીશું તેમ ધનસુખભાઇ ભંડેરીએ બેઠક સંબોધતા જણાવ્યુ હતુ. આ બેઠકમાં ગુજરાત મ્યુ. ફાઇનાન્સ બોર્ડના મુખ્ય કારોબારી અધિકારી બી. સી. પટ્ટણી, સચિવ એન. એચ. દરજી, નાયબ નિયામક વી. સી. પટેલ, મદદનિશ નિયામક બી. એસ. ઠાકોર અને વિવિધ જિલ્લામાંથી જિલ્લા મ્યુ. અધિકારીઓ ઉપસ્થિત રહ્યા હતા. (૧૬.૨)