સિવિલ હોસ્પિટલના રેસિડેન્ટ ડોકટર્સની હડતાલનો આજે બીજો દિવસઃ કાળા કપડા પહેરી ધરણા કર્યા
રાજકોટઃ પોસ્ટ ગ્રેજ્યુએશન મેડિકલમાં પ્રવેશ માટે નીટ લેવાયા બાદ હજુ સુધી પ્રવેશની કાર્યવાહી શરૂ કરવામાં આવી ન હોઇ તેમજ સુપ્રિમ કોર્ટમાં રીટના કારણે આ કાર્યવાહી કયારે શરૂ થશે તે હજુ નક્કી ન હોઇ તેમજ રેસિડેન્ટ ડોકટર્સના અન્ય પણ પડતર મુદ્દા હોઇ આ મામલે રાજકોટ સિવિલ હોસ્પિટલમાં ગઇકાલથી રેસિડેન્ટ ડોકટર્સ ઓપીડી ઇમર્જન્સી સહિતની કામગીરીથી અલિપ્ત થઇ હડતાલ પર ઉતરી ગયા છે. ગઇકાલે સુત્રોચ્ચાર અને ધરણા કર્યા બાદ આજે ૨૦૦ રેસિડેન્ટ તબિબોએ હડતાલ ચાલુ જ રાખી છે અને કાળા કપડા પહેરી ધરણા કર્યા છે. જેડીયુ (જુનિયર ડોકટર એસોસિએશન-પીડીયુ કોલેજ રાજકોટ) દ્વારા ડીન તથા તબિબી અધિક્ષકને પોતાના પ્રશ્નો અંગે રજૂઆતો કરવામાં આવી હતી. આજે પણ અલગ અલગ બેનર્સ સાથે રેસિડેન્ટ ડોકટર્સ દ્વારા ધરણા થયા હતાં. (ફોટોઃ અશોક બગથરીયા)