Gujarati News

Gujarati News

News of Saturday, 31st October 2020

સીંગતેલ ડબ્બે વધુ ર૦ રૂ.નો ઘટાડો

ચાલુ સપ્તાહમાં સીંગતેલમાં ૧૦૦ રૂ. અને કપાસીયા તેલમાં ૩૦ રૂ. તૂટયા : નવા ટીનના ભાવ ઘટીને રર૩૦-રર૬૦ રૂ. થયા

રાજકોટ, તા. ૩૧: સીંગતેલમાં મંદીનો શરૂ થયેલ દોર આજે પણ જારી રહ્યો છે અને સીંગતેલ ડબ્બે વધુ ર૦ રૂ.નો ઘટાડો થયો છે.

સૌરાષ્ટ્રના યાર્ડોમાં મગફળીની આવકો વધતા અને આવકો સામે ડીમાન્ડ ન નીકળતા સીંગતેલના ભાવમાં આજે વધુ ર૦ રૂ.નું ગાબડુ પડયું હતું.  સીંગલતેલ લુઝ (૧૦ કિ.ગ્રા.) ભાવના ૧૩ર૦ રૂ. હતાં તે ઘટીને આજે બપોરે ર વાગ્યે ૧૩૦૦ રૂ. ભાવ બોલાયા હતાં. જયારે સીંગતેલ નવા ટીનના ભાવ રરપ૦થી રર૮૦ રૂ. હતાં તે ઘટીને રર૩૦થી રર૬૦ રૂ.ની સપાટીએ  પહોંચ્યા હતાં. જોકે કપાસીયા તેલના ભાવોમાં આજે કોઇ ઘટાડો થયો નથી. ચાલુ સપ્તાહમાં સીંગતેલ ડબ્બે ૧૦૦રૂ.નો અને કપાસીયા તેલમાં ૩૦ રૂ.નો નોંધપાત્ર ભાવ ઘટાડો થયો છે. આગામી દિવસોમાં હજુ પણ સીંગતેલ અને કપાસીયા તેલના ભાવો ઘટે તેવી શકયતા છે તેમ વેપારી સૂત્રોએ જણાવ્યું હતું.

(3:06 pm IST)
  • દેશમાં કોરોનાના નવા કેસની સંખ્યામાં એકધારો ઘટાડો :નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 -30 વાગ્યા સુધીમાં કોરોનાના નવા 45,698 કેસ નોંધાયા:કુલ કેસનો આંકડો 81,81,864 થયો :એક્ટીવ કેસ ઘટીને 5,71,213 થયા:વધુ 56,182 દર્દીઓ સ્વસ્થ થતા કુલ 74, 87,093 રિકવર થયા :વધુ 454 લોકોના મોત સાથે કુલ મૃત્યુઆંક 1,22,135 થયો access_time 1:09 am IST

  • મુંબઈના ભીંડી બજાર વિસ્તારમાં કેટલાક દેશવિરોધી તત્વોએ ફ્રાન્સના રાષ્ટ્રપતિ મેક્રોની તસવીરો રોડ ઉપર લગાડી છે. સેંકડો લોકો તેના ઉપરથી પસાર થઇ રહ્યા છે. આવા તત્વોની તાત્કાલિક ધરપકડ કરવા સોશિયલ મીડિયા ઉપર માગણી થઈ રહી છે. જાણીતા પત્રકાર શીલા ભટ્ટે ટ્વિટર હેન્ડલ ઉપર આ વીડિયો પણ મૂકી છે. access_time 2:38 pm IST

  • ફાયનાન્સ મિનિસ્ટર નિર્મલા સીતારમણને મારા પ્રત્યે પૂર્વગ્રહ હતો : મારી બદલી તેમણે વિદ્યુત ડિપાર્ટમેન્ટમાં કરી નાખી : પૂર્વ ફાયનાન્સ મિનિસ્ટર અરુણ જેટલી સાથે મારે સારા સબંધ હતા : નિર્મલા સીતારમણના અમુક નિર્ણયો જેવા કે આરબીઆઇ સાથેનો વહેવાર ,નોન બેન્કિંગ કંપનીઓ માટે પેકેજ ,ક્રેડિટ ગેરંટી યોજના સહિતની બાબતે અમારે મતભેદ હતો : તેથી મેં એક વર્ષ વહેલી નિવૃત્તિ લઇ લીધી : સીનીઅર આઈ એ એસ નિવૃત ઓફિસર સુભાષચંદ્ર ગર્ગે નિવૃત થયાના એક વર્ષ પછી મોઢું ખોલ્યું access_time 6:46 pm IST