Gujarati News

Gujarati News

News of Saturday, 31st October 2020

કોઠારીયા રોડ નંદા હોલ પાસે વાડીમાં મૃત નવજાત બાળક ત્યજી દેવાયું

લોકોના ટોળે ટોળાઃ ભકિતનગર પોલીસે તપાસ આરંભી

રાજકોટ તા. ૩૧: કોઠારીયા રોડ પર નંદા હોલ નજીક છગનબાપાની વાડીના શેઢે ઓછાડ-ગોદડામાં કોઇ નવજાત મૃત બાળકને વિંટાળીને ફેંકી જતાં લોકોના ટોળા ભેગા થઇ ગયા હતાં. ૧૦૮ના ઇએમટીને જાણ થતાં તેણે તપાસ કરી પોલીસને વાકેફ કરતાં ભકિતનગરના એએસઆઇ નરેન્દ્રભાઇ ભદ્રેચા તથા રાઇટર મયુરભાઇ ઠાકરે ઘટના સ્થળે પહોંચી કાર્યવાહી કરી હતી. વાડીનો મજૂર ગેલાભાઇ શેઢા પાસે ગાયોને તગડવા ગયો ત્યારે શેઢે ઓછાડ-ગોદડીનું પોટલા જેવું પડ્યું હોઇ તેણે તપાસ કરતાં અંદરથી મૃત બાળક મળ્યું હતું. બાળકનો જન્મ મળ્યું એના ચારેક કલાક પહેલા થયાનું અનુમાન ઇએમટી તબિબે વ્યકત કર્યો હોઇ કોઇ વહેલી સવારે મૃત બાળક ફેંકી ગયાની શકયતા છે. પોલીસે સીસીટીવી કેમેરા ચેક કરવા સહિતની તપાસ હાથ ધરી છે. તસ્વીરમાં ઘટના સ્થળે લોકો, પોલીસ અને ત્યજી દેવાયેલુ બાળક જોઇ શકાય છે.

(2:36 pm IST)
  • દેશમાં કોરોના કેસનો આંકડો 81 લાખને પાર પહોંચ્યો : જોકે નવા કેસની સંખ્યામાં એકધારો ઘટાડો :નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 -30 વાગ્યા સુધીમાં કોરોનાના નવા 48,117 કેસ નોંધાયા:કુલ કેસનો આંકડો 81,36,166 થયો :એક્ટીવ કેસ ઘટીને 5,82,160 થયા:વધુ 59,005 દર્દીઓ સ્વસ્થ થતા કુલ 74,30,911 રિકવર થયા :વધુ 550 લોકોના મોત સાથે કુલ મૃત્યુઆંક 1,21,681 થયો access_time 1:04 am IST

  • આતંકવાદ સામેની લડાઈમાં ભારત ફ્રાન્સની સાથે છે : ફ્રાન્સના ચર્ચ ઉપર થયેલા આતંકી હુમલા બાબતે વડાપ્રધાન શ્રી મોદીનો સ્પષ્ટ અભિપ્રાય : ચાકુથી કરાયેલા હુમલાથી માર્યા ગયેલા 3 લોકો પૈકી એક મહિલાનું માથું ધડથી અલગ કરી દેવાયું હતું : ફ્રાન્સમાં છેલ્લા 2 મહિનામાં સતત ત્રીજા હુમલાથી સમગ્ર વિશ્વમાં પ્રકોપ access_time 8:53 pm IST

  • માતા વૈષ્ણોદેવીના મંદિરે કાલથી દરરોજ ૧૫,૦૦૦ યાત્રાળુઓ દર્શન કરવાની મંજૂરી : નોંધણી કાઉન્ટરો પર ભીડને રોકવા માટે ભકતોની ઓનલાઇન નોંધણી ચાલુ રહેશે access_time 2:28 pm IST