Gujarati News

Gujarati News

News of Saturday, 31st October 2020

માધાપર ચોકડી પુલ નીચે ટ્રેન હેઠળ કપાઇ જતાં હરસુખભાઇ ચિત્રોડાનું મોત

સાંજે બાઇક લઇ ઘરેની નીકળ્યા બાદ બનાવઃ ૧૫૦ રીંગ રોડ બાલાજી પાર્કના પ્રજાપતિ પરિવારમાં શોક

રાજકોટ તા. ૩૧: માધાપર ચોકડી ઓવર બ્રિજ નીચે ખંઢેરી અને રાજકોટ સ્ટેશન વચ્ચે રાત્રીના એક પ્રોૈઢનું ટ્રનની ઠોકરે ચડી જતાં કમકમાટી ભર્યુ મોત નિપજ્યું હતું. રેલ્વે પોલીસની તપાસમાં મૃતક મવડી ૧૫૦ રીંગ રોડ પર ફોર્ચ્યુન હોટેલ પાછળ બાલાજી પાર્ક-૨માં રહેતાં હરસુખભાઇ નાથાભાઇ ચિત્રોડા (સોરઠીયા પ્રજાપતિ કુંભાર) (ઉ.વ.૫૮) હોવાનું ખુલ્યું હતું.

એક પુરૂષ સોૈરાષ્ટ્ર મેલની ઠોકરે ચડી જતાં મોત નિપજ્યાની જાણ રેલ્વે પોલીસને થતાં હેડકોન્સ. હિતેષભાઇ સહિતનો સ્ટાફ ઘટના સ્થળે પહોંચ્યો હતો. મૃતકના ખિસ્સામાંથી મળેલા મોબાઇલને આધારે તપાસ થતાં તેમના સ્વજનોનો સંપર્ક થયો હતો અને મૃતક હરસુખભાઇ ચિત્રોડા હોવાનું ખુલ્યું હતું.

રેલ્વે પોલીસની પ્રાથમિક તપાસમાં ખુલ્યા મુજબ હરસુખભાઇ ચાર ભાઇઓમાં ત્રીજા હતાં. સંતાનમાં એક પુત્ર અને એક પુત્રી છે. તેઓ ફર્નિચર કામ કરતાં હતાં. સાંજે ઘરેથી બાઇક લઇને કામ સબબ નીકળ્યા હતાં અને બાદમાં તેઓ ટ્રેનની ઠોકરે ચડી ગયાની પરિવારજનોને ખબર પડતાં કલ્પાંત સર્જાયો હતો. બનાવ અંગે રેલ્વે પોલીસે તપાસ યથાવત રાખી છે.

(10:31 am IST)
  • આતંકવાદ સામેની લડાઈમાં ભારત ફ્રાન્સની સાથે છે : ફ્રાન્સના ચર્ચ ઉપર થયેલા આતંકી હુમલા બાબતે વડાપ્રધાન શ્રી મોદીનો સ્પષ્ટ અભિપ્રાય : ચાકુથી કરાયેલા હુમલાથી માર્યા ગયેલા 3 લોકો પૈકી એક મહિલાનું માથું ધડથી અલગ કરી દેવાયું હતું : ફ્રાન્સમાં છેલ્લા 2 મહિનામાં સતત ત્રીજા હુમલાથી સમગ્ર વિશ્વમાં પ્રકોપ access_time 8:53 pm IST

  • દેશની તમામ સૈનિક સ્કૂલોમાં ઓબીસી માટે 27 ટકા અનામત : કેન્દ્ર સરકારની લીલી ઝંડી : નવા સત્રથી અમલ access_time 10:58 am IST

  • કોરોનાએ ભયાનક ફુંફાડો માર્યો : બુધવારથી સમગ્ર ઇંગ્લેન્ડમાં લોકડાઉન લાદી દેવાશે તેવા હેવાલોઃ ઇંગ્લેન્ડના પીએમ બોરીસ જોન્સન ગંભીરતા પૂર્વક વિચારે છેઃ ટાઇમ્સ : અત્યારે વિશ્વમાં જર્મની (આવતા અઠવાડીયાથી), ફ્રાન્સ, બેલ્જીયમ, ઝેક, રીપબ્લીક, આયરલેન્ડ, યુ.કે. (ઉત્તરીય આયરલેન્ડ) અને વેલ્સમાં લોકડાઉન પ્રવર્તે છે. access_time 12:40 pm IST