Gujarati News

Gujarati News

News of Monday, 30th November 2020

યુવરાજનગર પાસે બોલેરોએ રીક્ષાને ઠોકર મારતા રાજુભાઇ સનુરાનું મોત

રાજકોટ,તા.૩૦ : શહેરના યુવરાજનગર નજીક રોંગ સાઇડમાં આવતા બોલેરાના ચાલકે રીક્ષાને ઠોકર મારતા રીક્ષા ચાલકનું સારવાર દરમ્યાન મોત નિપજ્યુ હતું.

મળતી વિગત મુજબ આણંદપર નાવગામ મામાળી સ્લમ કવાર્ટરનં. ૨૭૫માં રહેતા રાજુભાઇ ગોગનભાઇ સુનરા (ઉવ.૫૦) ગઇકાલે પોતાની જી.જે. ૧૧ એકસ-૪૭૪૩ નંબરની રીક્ષા લઇને જતા હતા ત્યારે યુવરાજનગર નજીક રોંગસાઇડમાં આવતા બોલેરોના ચાલકે પૂર ઝડપે આવી રીક્ષાને ઠોકર મારતા રાજુભાઇ ફંગોળાઇ જતા તેને માથાના ભાગે ગંભીર ઇજા થઇ હતી બનાવ બનતા આસપાસના લોકો એકઠા થઇ ગયા હતા. બાદ રાજુભાઇને સારવાર માટે સિવિલ હોસ્પિટલમાં ખસેડાતા તેનું સારવાર દરમ્યાન મોત નિપજ્યું હતું. આ બનાવ અંગે આજીડેમ પોલીસે બોલેરાના ચાલક વિરૂધ્ધ ગુનો દાખલ કરી પીએસઆઇ એમ.ડી. વાળાએ તપાસ હાથધરી છે.

(3:46 pm IST)
  • આજે છાયા ચંદ્રગ્રહણ : ભારતના પૂર્વ ભાગમાં દેખાશે : ગુજરાતમાં નહીં દેખાય ગ્રહણની અવધિ ૪ કલાકને ૨૩ મિનિટ : ગ્રહણ સ્પર્શ ૧૨ કલાકને ૫૯ મિનિટ ૪૧ સેકન્ડ : ગ્રહણ મોક્ષ : પ કલાક ૨૫ મિનિટ ૩૨ સેકન્ડ : ટેલિસ્કોપની મદદથી આ અવકાશી ખગોળીય ઘટના નિહાળી શકાશે : ગુજરાતમાં ગ્રહણ જોવા નહીં મળે : માત્ર ભારતના પૂર્વ વિભાગના અલ્હાબાદ, બાલી, ભાગલપુર, કટક સહીતના વિસ્તારોમાં જોવા મળશે : વિજ્ઞાન જાથા દ્વારા અવકાશી ખગોળી ઘટનાના અવલોકન : ગેરમાન્યતાના ખંડન સાથે લોકોને સાચુ માર્ગદર્શન આપવા ઠેરઠેર કાર્યક્રમો થશે તેમ જાથાના રાજયના ચેરમેન એડવોકેટ જયંત પંડયાની યાદીમાં જણાવાયુ છે access_time 11:25 am IST

  • સામાજિક કાર્યકર સ્વ.બાબા આમ્ટેની પુત્રી ડો.શીતલ આમ્ટે એ આત્મહત્યા કરી : આનંદવન ખાતેના નિવાસ સ્થાને ઝેરનું ઇન્જેક્શન લઇ જીવન ટૂંકાવી લીધું access_time 6:53 pm IST

  • વલસાડ: દરિયા કિનારે અલ મદદ નામની બોટ મળી આવતા સ્થાનિકોમાં ભયનો માહોલ : પોલીસે ઘટના સ્થળે પહોંચી શંકાસ્પદ બોટ મામલે તપાસ હાથ ધરી access_time 1:08 pm IST