Gujarati News

Gujarati News

News of Thursday, 29th October 2020

રાજકોટ એસ.ટી. ડીવીઝન આવતા અઠવાડિયાથી દિવાળી તહેવાર સંદર્ભે મુસાફરો માટે ૭૦૦ એકસ્ટ્રા બસ દોડાવશે

કચ્છ-ભુજ-જામનગર-જુનાગઢ-દિવ-દ્વારકા-સોમનાથ માટે ટ્રાફીક પ્રમાણે મુકાશે : રાજકોટ ડેપો ઉપરથી પંચમહાલ અને ગુજરાત બાજુ઼ ૪૦ એકસ્ટ્રા બસો ઉપડશે

રાજકોટ તા. ર૯: રાજકોટ એસ.ટી. ડિવીઝનમાં ધીમે ધીમે ટ્રાફીક વધી રહ્યો છે, આવક પણ વધી રહી છે, દિવાળી તહેવાર સંદર્ભે એસ.ટી. બસ તરફ લોકોનો ઉત્સાહનો સંચાર છે. દરમિયાન આજે અધીકારી સુત્રોએ ''અકિલા''ને જણાવ્યું હતું કે, હાલ તો ટ્રાફીક ઠીકઠીક છે, પરંતુ આગામી અઠવાડીયે દિવાળી તહેવારો સંદર્ભે ટ્રાફીકમાં ગરમાવો આવશે, અને અમદાવાદ-પંચમહાલ-સુરત તરફ જવા માટે ધસારો થશે, અને તે સંદર્ભે રાજકોટ એસ.ટી. ડિવીઝન વિવિધ ડેપો ઉપરથી થઇને અંદાજે ૧૦૦ જેટલી એકસ્ટ્રા બસો દોડાવશે જેમાં એકલા રાજકોટ એસ.ટી. ડેપો જ ૪૦ એકસ્ટ્રા બસો દોડાવવાનું આયોજન કરી રહ્યું છે. આ ઉપરાંત કચ્છ-ભુજ-જામનગર, દ્વારકા, સોમનાથ, જુનાગઢ, દિવ તરફ પણ ટ્રાફીક મુજબ એકસ્ટ્રા બસો મુકાશે તેમ અધીકારી સુત્રોએ ઉમેર્યું હતું.

(2:56 pm IST)
  • બિહારમાં ૫૫ ટકા મતદાન બિહારમાં પ્રથમ તબક્કાની ચૂંટણીમાં ૫૫ ટકા આસપાસ મતદાન થયાના પ્રાથમિક અહેવાલો મળે છે access_time 7:55 pm IST

  • મધ્ય પ્રદેશ પેટા ચૂંટણી : મહેંગાવમાં પ્રચાર માટે ગયેલા ભાજપના ફાયર બ્રાન્ડ નેતા ઉમાભારતીની સભામાં ખુરસીઓ ખાલી : સભાના સ્થળથી 25 કિલોમીટર દૂર હેલીકૉપટર ઉતરતા સ્થળ ઉપર પહોંચવામાં મોડું થયું : ગુસ્સે થઇ ભાષણ આપ્યા વિના પરત ફર્યા access_time 1:55 pm IST

  • દેશમાં કોરોનાના કેસનો આંકડો 80 લાખને પાર પહોંચ્યો:નવા કેસની સંખ્યામાં એકધારો ઘટાડો:નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 -30 વાગ્યા સુધીમાં કોરોનાના નવા 45,597 કેસ નોંધાયા:કુલ કેસનો આંકડો 80,34,702 થયો :એક્ટીવ કેસ ઘટીને 6,03,275 થયા:વધુ 52,087 દર્દીઓ સ્વસ્થ થતા કુલ 73,09, 532 રિકવર થયા :વધુ 469 લોકોના મોત સાથે કુલ મૃત્યુઆંક 1,20,524 થયો access_time 1:00 am IST