Gujarati News

રાજકોટ, તા.૨૯: શહેરની ગ્રીનલેન્ડ ચોકડી પાસે ફોર્જીન કારખાનાની પાછળ મોડી રાત્રે દુકાનના તાળા ફંફોળતા ત્રણ શખ્સોને બી ડીવીઝન પોલીસે પકડી લીધા હતા.

મળતી વિગત મુજબ બી ડીવીઝન પોલીસ મથકના પીઆઇ એમ.બી.ઔસુરાના માર્ગદર્શન હેઠળ પી એસઆઇ એમ.એફ.ડામોર, એએસઆઇ વિરમભાઇ, સલીમભાઇ, હેડકોન્સ મનોજભાઇ, સિરાજભાઇ, હેમેન્દ્રભાઇ, પરેશભાઇ, ચાપરાજભાઇ, જયદીપભાઇ, સંજયભાઇ, મિતેષભાઇ તથા મનોજભાઇ સહિત રાત્રે પેટ્રોલીંગમાં હતા ત્યારે ગ્રીનલેન્ડ ચોકડી પાસે ફોર્જીગ કારખાનાની પાછળ દુકાનોના તાળા ફંફોળતા વિજય મધુભાઇ બારૈયા (ઉ.વ.૧૯) (રહે.ચુનારાવાડ શેરી નં.૧) રવી રાજુભાઇ સોલંકી (ઉ.વ.૨૦) (રહે.ચૂનારાવાડ શેરી નં.૧) અને કમલેશ દોલુભાઇ મોરી (ઉ.વ.૧૯) (રહે.ચૂનારાવાડ-૧) ને પકડી લઇ કાર્યવાહી કરી હતી.

ગુનો કરવાના ઇરાદે રખડતો ભટકતો હરેશ પકડાયો

કુવાડવા રોડ પોલીસ મથકના કોન્સ દેવેન્દ્રસિંહ સહિત પેટ્રોલીંગમાં હતા ત્યારે મોડી રાત્રે નવાગામ આણંદપર રૂડા ટ્રાન્સપોર્ટનગર પાસે કોઇ મિલ્કત સંબંધી ગુનો કરવાના ઇરાદે રખડતા ભટકતો હરેશ ધીરૂભાઇ ટીલાળા (ઉ.વ.૨૫) (રહે.બેડી માર્કેટયાર્ડ)ને પકડી લઇ કાર્યવાહી કરી હતી.