Gujarati News

Gujarati News

News of Thursday, 29th October 2020

ખોડીયારનગરના મકાનમાં ક્રાઇમ બ્રાંચનો દરોડોઃ દારૂની ૭૦ બોટલ કબ્જે

જીતેન્દ્ર ગઢાદરા અને હરેશ બસીયાની શોધઃ દારૂનો જથ્થો, બે એકટીવા, રોકડ સહિત ૧.પ૬ લાખની મત્તા કબ્જે

રાજકોટ તા. ર૯: શહેરના આજી વસાહત પાસે ખોડીયારનગરમાં ક્રાઇમ બ્રાંચની ટીમે બાતમીના આધારે મકાનમાં દરોડો પાડી દારૂની ૭૦ બોટલ સાથે એક શખ્સને પકડી લીધો હતો.

મળતી વિગત મુજબ શહેર પોલીસ કમિશનર શ્રી મનોજ અગ્રવાલની સુચનાથી ક્રાઇમ બ્રાંચના પીઆઇ વી. કે. ગઢવીના માર્ગદર્શન પીએસઆઇ પી. બી. જેબલીયા, હેડ કોન્સ. વિક્રમભાઇ ગમારા, અંશુમાનભાઇ ગઢવી, પ્રતાપસિંહ મોયા, ક્રિપાલસિંહ જાડેજા, દેવાભાઇ ધરજીયા તથા જીજ્ઞેશભાઇ મારૂ સહિત પેટ્રોલીંગમાં હતા ત્યારે પ્રતાપસિંહ, ક્રિપાલસિંહ અને દેવાભાઇને મળેલી બાતમીના આધારે આજી વસાહતમાં ખોડીયારનગર શેરી નં. ૭ માં આવેલા મકાનમાં દરોડો પાડી રૂ. ર૮૯૬૦ ની કિંમતની દારૂની ૭૦ બોટલ કબ્જે કરી હતી. તપાસ દરમ્યાન એકટીવાની ડેકીમાંથી રૂ. ૬૭૮પ૦ ની રોકડ મળી આવતા પોલીસે દારૂનો જથ્થો, બે એકટીવા અને રોકડ મળી રૂ. ૧,પ૬,૮૧૦નો મુદ્દામાલ કબ્જે કરી આજી ડેમ ચોકડી પાસે રામેશ્વર પાર્ક શેરી નં. ૧ માં રહેતા જીતેન્દ્ર ગોવિંદભાઇ ગઢાદરા અને ખોડીયારનગર-૭ ના હરેશ ટપુભાઇ બસીયાની શોધખોળ હાથ ધરી છે.

(2:45 pm IST)
  • દેશમાં કોરોનાના એક્ટીવ કેસનો આંકડો 6 લાખની અંદર સરક્યો : નવા કેસની સંખ્યામાં એકધારો ઘટાડો :નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 -30 વાગ્યા સુધીમાં કોરોનાના નવા 48,692 કેસ નોંધાયા:કુલ કેસનો આંકડો 80, 87,976 થયો :એક્ટીવ કેસ ઘટીને 5,93,698 થયા:વધુ 57,709 દર્દીઓ સ્વસ્થ થતા કુલ 73, 71,748 રિકવર થયા :વધુ 561 લોકોના મોત સાથે કુલ મૃત્યુઆંક 1,21,130 થયો access_time 1:05 am IST

  • મધ્ય પ્રદેશ પેટા ચૂંટણી : મહેંગાવમાં પ્રચાર માટે ગયેલા ભાજપના ફાયર બ્રાન્ડ નેતા ઉમાભારતીની સભામાં ખુરસીઓ ખાલી : સભાના સ્થળથી 25 કિલોમીટર દૂર હેલીકૉપટર ઉતરતા સ્થળ ઉપર પહોંચવામાં મોડું થયું : ગુસ્સે થઇ ભાષણ આપ્યા વિના પરત ફર્યા access_time 1:55 pm IST

  • અમિતભાઈ શાહે ફોન કરી કેશુભાઈ પરિવારજનોને સાંત્વના પાઠવી : કેન્દ્રીય ગૃહમંત્રી અમિતભાઈ શાહે કેશુભાઈ પટેલના પરિવારજનોને ફોન કરી શોક વ્યકત કરતાં કહ્યું કે કેશુભાઈએ તેનું સમગ્ર જીવન ગુજરાતની જનતાની સેવામાં સમર્પિત કર્યુ હતું. તેમના પરિવારજનોને સાંત્વના પાઠવું છું. access_time 4:01 pm IST