Gujarati News

Gujarati News

News of Thursday, 29th October 2020

ફટાકડા બજારમાં હજુ જો-તોની સ્થિતિ : એનઓસી માટે માત્ર છ અરજી

કોરોનાને કારણે આ વર્ષે ફટાકડા વેચવામાં નિરસતા : ગયા વર્ષે ૧૧ર અરજીઓ ફાયર બ્રીગેડને મળી હતી

રાજકોટ, તા., ૨૮: આ વર્ષે કોરોનાને કારણે દરેક તહેવારોમાં વેપારીઓને માઠી અસર પહોંચી રહી છે. આજ પ્રકારે દિવાળીનાં તહેવારોમાં પણ ફટકડાનાં વેચાણ ઉપર માઠી અસર પહોંચવાનો ભય વેપારીઓને સતાવી રહયો છે. અને તેના કારણે ફટાકડાના વેપારીઓમાં દર વર્ષ કરતા થોડી નીરસતાં જોવા મળી રહી છે.

કેમ કે દિવાળીને હવે માત્ર ૧પ થી ૧૭ દિવસ બાકી છે. છતા ફાયર બ્રિગેડનું એનઓસી મેળવવા આજ દિન સુધીમાં માત્ર છ જ અરજીઓ થઇ છે.

આ અંગે સતાવાર પ્રાપ્ત વિગતો મુજબ  શહેરમાં ફટાકડાનૉ વેચાણ માટે ફાયર બ્રિગેડનું એનઓસી મેળવવુ ફરજીયાત છે.  ત્યારે આ વખતે ફાયર બ્રીગેડનું એઓસી મેળવવા આજ સુધીમાં માત્ર છ જેટલી અરજીઓ જ થઇ છે.

આ અરજીઓ પણ જે વેપારીઓ સીઝન સ્ટોર્સ ધરાવે છે તેવા મોટા હોલસેલર કે સદર બજાર વિસ્તારમાં કાયમી ધોરણે ફટાકડા વેચતા વેપારીઓ દ્વારા જ થયાનું જાણવા મળે છે. અન્ય વિસ્તારોમાં જેમ દર વર્ષે ફટાકડાનું વેચાણ માટે એનઓસીની અરજીઓ થતી હોય છે તે પ્રકારે હજુ સુધી અરજી મળતી નથી.

ગત વર્ષે ફાયર બ્રીગેડે કુલ ૧૧ર વેપારીઓને ફટાકડા વેચવા માટે એનઓસી આપ્યું હતું.

આમ આ વર્ષે વેપારીઓ હજુ ફટાકડા વેચવા બાબતે જો -તોની સ્થિતિમાં છે.

હવે બાકીના ૧પ દિવસમાં કેટલા વેપારીઓ ફાયર બ્રિગેડનું એનઓસી મેળવવા અરજી કરે છે તે જોવાનું રહયું.

અત્રે નોંધનીય છે કે દર વર્ષે દિવાળી દરમિયાન ફાયર બ્રીગેડ દ્વારા સદર બજાર, પરાબજાર, કાલાવડ રોડ, કોઠારીયા રોડ, મવડી વગેરે સ્થળોએ હંગામી ફાયર સ્ટેશનો પણ ઉભા કરવામાં આવે છે. ત્યારે આ વર્ષે ફટાકડા બજારમાં જ હાલ નિરૂત્સાહી વાતાવરણ જોવા મળી રહયું છે.

(2:56 pm IST)
  • દેશમાં કોરોનાના કેસનો આંકડો 80 લાખને પાર પહોંચ્યો:નવા કેસની સંખ્યામાં એકધારો ઘટાડો:નવા કેસ કરતા સ્વસ્થ થનારની સંખ્યામાં છેલ્લા કેટલાય દિવસોથી સતત વધારો:રાત્રે 12 -30 વાગ્યા સુધીમાં કોરોનાના નવા 45,597 કેસ નોંધાયા:કુલ કેસનો આંકડો 80,34,702 થયો :એક્ટીવ કેસ ઘટીને 6,03,275 થયા:વધુ 52,087 દર્દીઓ સ્વસ્થ થતા કુલ 73,09, 532 રિકવર થયા :વધુ 469 લોકોના મોત સાથે કુલ મૃત્યુઆંક 1,20,524 થયો access_time 1:00 am IST

  • મધ્ય પ્રદેશ પેટા ચૂંટણી : મહેંગાવમાં પ્રચાર માટે ગયેલા ભાજપના ફાયર બ્રાન્ડ નેતા ઉમાભારતીની સભામાં ખુરસીઓ ખાલી : સભાના સ્થળથી 25 કિલોમીટર દૂર હેલીકૉપટર ઉતરતા સ્થળ ઉપર પહોંચવામાં મોડું થયું : ગુસ્સે થઇ ભાષણ આપ્યા વિના પરત ફર્યા access_time 1:55 pm IST

  • અમિતભાઈ શાહે ફોન કરી કેશુભાઈ પરિવારજનોને સાંત્વના પાઠવી : કેન્દ્રીય ગૃહમંત્રી અમિતભાઈ શાહે કેશુભાઈ પટેલના પરિવારજનોને ફોન કરી શોક વ્યકત કરતાં કહ્યું કે કેશુભાઈએ તેનું સમગ્ર જીવન ગુજરાતની જનતાની સેવામાં સમર્પિત કર્યુ હતું. તેમના પરિવારજનોને સાંત્વના પાઠવું છું. access_time 4:01 pm IST