Gujarati News

રાજકોટ તા. ૨૯: નિલકંઠ સિનેમા સામે આનંદનગર કોલોનીમાં રહેતાં અને પ્રિન્ટીંગનું કામ કરતાં પ્રદિપભાઇ હીરાભાઇ ચોટલીયા (કડીયા) (ઉ.૫૯) સાંજે બંગડી બજારમાં આવેલા પોતાના ઓનેસ્ટ પ્રિન્ટીંગ પ્રેસ નામના પ્રેસ ખાતે જતાં આ જગ્યાના માલિક ઇન્દ્રવદનભાઇ કંસારાના પોૈત્રો શ્રેયશ કંસારા અને દિપ કંસારાએ આવી ઝઘડો કરી ઢીકાપાટુનો માર મારતાં સિવિલ હોસ્પિટલમાં દાખલ થતાં એ-ડિવીઝનમાં જાણ કરાઇ હતી.

પ્રદિપભાઇએ જણાવ્યું હતું કે બંગડી બજારમાં જે જગ્યાએ મારું પ્રેસ છે એ જગ્યાનો હું સાંઇઠ વર્ષ જુનો ભાડુઆત છું. આ જગ્યાના મુળ માલિક ઇન્દ્રવદન કંસારા છે. હાલમાં હું આ પ્રેસ પર જાઉ છુ ત્યારે મને પ્રેસ ખોલવાની ના પાડી માથાકુટ કરવામાં આવે છે. ગત સાંજે પણ હુમલો થયો હતો. પોલીસે આક્ષેપો અંગે તપાસ હાથ ધરી છે.