Gujarati News

Gujarati News

News of Saturday, 28th November 2020

લગ્નના રપ વર્ષ બાદ પરિણિતાને કાઢી મુકતા ભરણપોષણની ફરીયાદ

રાજકોટ તા. ર૮ :.. હાલ રાજકોટમાં વિષ્ણુનગર શેરી નં. ર, રાધે હોટલ, મવડી ચોકડી પાસે, રાજકોટમાં તેમના પિયરમાં રહેતી પરિણીતા નીતાબેન બીપીનભાઇ અંદ્રપીયા ડો/ઓ ભીખુભાઇ થોરીયાને ગત વર્ષ ૧૯૯પ માં જ્ઞાતિના રીતરીવાજ મુજબ બીપીનભાઇ નટુભાઇ અંદ્રપીયા સાથે લગ્ન કરેલા. ત્યારબાદ આ કામના અરજદારે પોતાના માતા-પિતા તથા કુટુંબીજનો તરફથી આપવામાં આવેલ કરીયાવરનો સામાન લઇ આ કામના સામાવાળાને ત્યાં લગ્ન જીવન જીવવા માટે ગયેલ. ત્યાં સામાવાળા સાથે સંયુકત કુટુંબમાં રહેતા હતાં. લગ્ન બાદ અરજદારને થોડા સમય સારી રીતે રાખેલ ત્યારબાદ અરજદારમાં કોઇ કસુર ન હોવા છતાં સામાવાળા તરફથી શારીરિક તથા માનસિક ત્રાસ આપતા હતા તથા મારકુટ કરતા હતાં. તેમજ અરજદારને તેમનાા પુત્ર તથા પુત્રી પણ શારિરીક તથા માનસિક ત્રાસ આપતા હતાં.

આ કામના અરજદારને છેલ્લા ઘણા સમયથી ડાયાબીટીસની બિમારી હોય જે એક વર્ષથી ખુબ જ વધી જતા આ કામના અરજદારને પગ કપાવવો પડેલ હોય જેથી આ કામના સામાવાળાએ સારવાર કરવાને બદલે તેમના ઘરમાંથી માર મારીને કાઢી મુકેલ છે. તેથી આ કામના અરજદાર ત્યારથી પોતાના પિયરમાં ઓશીયાળુ જીવન જીવે છે. તેમજ આ કામના અરજદારના પુત્ર પણ પોતાના પિતાની સાથે મળીને તારે છૂટાછેડા લેવા માટે કેટલા રૂપિયા જોઇએ છે તેવું કહીને માનસિક ત્રાસ આપે છે. તેથી આ કામના અરજદારને ના-છૂટકે આ કામના સામાવાળા વિરૂધ્ધ ભરણપોષણની ફરીયાદ દાખલ કરેલ છે.

આ કામના અરજદાર વતી રાજકોટના યુવાધારા શાસ્ત્રી શૈલેષ ગોંડલીયા, ભૂમિકા ગૌસ્વામી, સંદિપ જેઠવા, રાહુલ પંડયા રોકાયેલા છે.

(2:35 pm IST)
  • ભડકાઉ ભાષણ દેવા બદલ અક્બરુદીન ઓવેસી અને તેલંગણા ભાજપ અધ્યક્ષ બાંદી સંજય વિરુદ્ધ કોર્ટ કેસ : હુસેન સાગર તળાવના કાંઠે મુકાયેલી પૂર્વ વડાપ્રધાન પી.વી.નરસિંહરાવ ,તથા એન.ટી.રામરાવની સમાધિ હટાવી દેવાની ચીમકી મુદ્દે બબાલ : હૈદરાબાદ મ્યુનિ. કોર્પોરેશન ચૂંટણી પ્રચારમાં સામસામા ભડકાઉ નિવેદનો કર્યા access_time 6:08 pm IST

  • દેશમાં કોરોનાથી મૃત્યુઆંક 1.36 લાખને પાર પહોંચ્યો :એક્ટિવ કેસ ફરી વધ્યા : રાત્રે 11 વાગ્યા સુધીમાં કોરોનાના નવા 39,414 કેસ નોંધાયા:કુલ કેસનો આંકડો 93,49,285 થયો :એક્ટીવ કેસ 4, 53,436 થયા: વધુ 39,815 દર્દીઓ સ્વસ્થ થતા કુલ 87,57,524 રિકવર થયા :વધુ 438 લોકોના મોત સાથે કુલ મૃત્યુઆંક 1,36,190 થયો access_time 11:58 pm IST

  • દેશમાં કોરોનાથી રિકવર થનારની સંખ્યા 88 લાખને પાર પહોંચી : રાત્રે 11 વાગ્યા સુધીમાં કોરોનાના નવા 41,465 કેસ નોંધાયા:કુલ કેસનો આંકડો 93,92,689 થયો :એક્ટીવ કેસ 4, 52, 960 થયા: વધુ 41,974 દર્દીઓ સ્વસ્થ થતા કુલ 88,00,860 રિકવર થયા :વધુ 482 લોકોના મોત સાથે કુલ મૃત્યુઆંક 1,36,720 થયો access_time 12:04 am IST