Gujarati News

રાજકોટ તા. ૨૮: રૈયા ટેલિફોન એક્ષચેન્‍જ પાસે ઇન્‍દિરા સર્કલના બ્રિજની શરૂઆતમાં પિલોર માટે આર.એમ.સી. દ્વારા રોડ વચ્‍ચે ખોદાયેલા ખાડામાં બાઇક સાથે પડી જતાં બાઇક ચાલક માધાપર ચોકડી પાસે રહેતાં યુવાનને માથામાં સળીયા ખૂંપી જતાં તેનું કમકમાટી ભર્યુ મોત નિપજ્‍યું હતું. આ બનાવમાં પોલીસે આર.એમ.સી.ના જવાબદાર કર્મચારીઓ અને તપાસમાં ખુલે તેની સામે ગુનો નોંધી કાર્યવાહી કરી છે. મૃત્‍યુ પામનાર યુવાન ઘરેથી નીકળ્‍યો ત્‍યારે તેના પિતાને પહેલો ફોન તેના બાઇકમાં પંચર પડયું છે તેવો આવ્‍યો હતો અને એકાદ કલાક બાદ તમારા દિકરાને અકસ્‍માત નડયો છે તેવો ફોન આવ્‍યો હતો.